June ni 14, Zirtawpni zan khan B.S. Farm-ah KIM KIM 77 F.C. Veteran Futsal team te chuan an Champion trophy lak tawh lawmna leh Pathian hnena lawmthu sawina hun an hmang. Football-a Mizo thalai te tan a sulsu tu Pu. S. Malsawmtluanga'n (Mama) a hman pui a, club neitu te leh team member te an kal tha tha hle bawk.

He hun hi Pu Zosanglianan, (Team member) chuan a kaihruai a, Pu Masanga (Team member) chuan tawngtaina a hman hnuah Club sponsor tu Pu Chhuanawma (Kim Kim hardware) neitu chuan thusawiin, "kan hlawhtlinna chan hi players te inpekna vang a ni. Team-ah kan inlungrual a, chakloh kan duh lo a, kan thawh rim na hriain Pathianin malsawmna min chantir hi a ropui hle a ni. Season tharah chuan jersy thar kan nei ang a, sponsorship hming aiah Lalpa ropui ber rawhse tih kan chhu ang" a ti.

Kim Kim 77 FC hian MFA Veteran Futsal tournament-ah ṭum 4 (li) an champion bakah K.Ṭ.P. Chanmari branch buatsaih Veteran ah an champion bawk.