Championship Basketball Federation of India (BFI) buatsaih 71st Senior National Basketball Championships Men & Women – North East Zone chu December 16 – 19, 2021 hian Shillong, Meghalaya ah neih a ni dawn a. Mizoram Basketball Association (MBBA) chuan Mipa leh Hmeichhe team Mizoram aiawh tur te December 14, 2021 hian a tir chhuak a ni.
Tournament Kalphung: India ram pum hi zone panga(5) North Zone, South Zone, East Zone, West Zone leh North East Zone ah te then a ni. Zone tin te hian December 31, 2021 hma in Zone Championship hi neih zawh hman tur a ni.
North, South, East leh West Zone a Top Three(3) team, North East Zone a Champion team, Services Team, Indian Railways Team leh a thleng tu (Host) team te nen an vaiin Team16 in Senior National Regional Basketball Championships hi January 23 – 30, 2022 hian Chennai, Tamil Nadu ah neih leh tur a ni.
Inpuahchahna: Hmeichhe team te hi selection neih a nih zawh November 16, 2021 atang khan an inpuahchah tannin tum 25 vel chu an practice ho hman a ni. Hmeichhe Team Head Coach Marc Thlamuanpuia Sailo chuan, “Tun tum chu Hmeichhia hi a ṭha thei ang ber a in thlang in Zirna avanga hman lo pa 2 /1 awm mahse a tha ber kan ti mai ang chu kan in siam ve a. A sang thei ang ber thlen tum in hma kan la mek zel a ni.
Mizoram in a a hriat reng tur chanchin lawmawm neih tum in kan ṭang a ni. Kan theih bak Pathian in min pui a nga a sang thei ang ber thlen kan tum e” tiin hmeichhe team dinhmun a sawi a ni. Mipa team te hi November 19, 2021 atang khan in puahchah tan in tum 20 chuang an practice ho hman bawk a ni. Mipa Team Head Coach KC Lalliantluanga chuan, “Mizoram ah nasa takin Basketball a thang a, Mizoram Super League kan neih zarah kan Mizo inkhel miten hnamdang mahni aia pianphunga sang leh lian zawkte an lo khelhpui ta zeuh zeuh hian hma min ti sawn lehzualin ka hria. Chuvang chuan tun tum ah pawh kan inkhel mi neih that ber ber te kan hruai dawn avang leh theihtawp chhuaha kan inpuahchah bawk avang hian hlawhtlinna kan chan ngei ka beiseiin ka ring tlat a ni.
Kan inkhelhpui tur team te eng ang nge an nih kan hriat mai loh avang leh an dinhmun kan hriat mai loh avangin sawi lawk erawh a harsa a ni.” tiin mipa team dinhmun a sawi. Mipa Team Bihchianna: Captain ah India Senior Team SABA Champion puitu leh Zarkawt BCA player pawimawh leh MSL MVP lo ni tawh Lalrina Renthlei a awm a, Vice Captain ah Tuikual South Basketball Club Captain F. Zodinthara a awm thung a ni. Zarkawt BCA atangin Matthew Sailo, Zonuna leh Faka te an awm a, Khatla TBL atangin Thazuala, Rinchhana leh Michaela te an awm bawk a. Tuikual South atangin R-a leh Dede-a te an awm a, Mission Veng Hotshots atangin Isle-a leh Afaka te an awm bawk a ni. India team represent tawh, nationals championship lo kal tawh leh Mizoram Super League a players pawimawh te an nih hlawm avangin beiseina sang tak kan nei a ni.
Coaching Staff lam:
Mipa team enkawltu Head Coach ah Mizorama kan neih that, tawnhriat lo nei tawh, mi tamtak lo chherchhuak tawh tu leh NIS chhuak KC Lalliantluanga a awm a, Asst. Coach ah Zarkawt BCA tum thum(3) champion pui tawhtu Lalruatfela a awm bawk a ni. Hmeichhe team enkawltu Head Coach ah Zarkawt BCA Asst. Coach leh National Sub-Junior Basketball Championship 2019 a Mizoram champion pui tu Marc Thlamuanpuia Sailo a awm a, Asst. Coach ah Player anga Khatla TBL champion puitu leh lo enkawl tawh tu Lalrinzuala a awm bawk a ni.
A hmasa berin Pathian min kaihhruaina, venhimna leh awmpuinaah lawm thu kan sawi a ni. Kan players leh coaching staff te chhungkua zawng zawngte chungah lawmthu kan sawi e. Kan mamawh te hriaa min sponsor tute Pu Saichhunga te unau, Dawrpui Vengthar, LB Associates Bungkawn, Samoo Dawrpui, Zote Honda leh Zothan Auto works te chungah lawmthu kan sawi takzet zet e. Mizoram Basketball Association (MBBA) chuan Mizoram aiawha zinchhuak turte tha taka an khelh theihnan leh hlawhtlinna an neih theih ngeina turin duhsakna a hlan a, Mizoram mipui ten lo hre reng tur leh tawngtaina lama minlo dilpui turin kan sawm a che u.
Team List:
Senior Women Lallawmzuali Sailo (C) - Khatla Christina Lalhmingmawii (VC) -Bungkawn Saidingpuii Sailo -Bungkawn
Lalrinhlui - Chawlhhmun
Naomi Lalhriatpuii - Khatla
Vanlallawmawmi - Dinthar
ST. Lalchhanhimi - Nursery
Lalramropuii - Bawngkawn
Malsawmkimi Zote - Ramhlun Vengchhak Laltlanhlui Sailo - Ramhlun Venglai Lalṭhazuali - Ramthar
Chawnghmingliani - Mission vengthlang
Coaching Staff:
Manager - Saithanzuali – Dawrpui Vengthar Coach - Marc Thlamuanpuia Sailo – Zarkawt Asst. Coach - Lalrinzuala – Dawrpui Vengthar
Senior Men
1. Lalrina Renthlei (C) - Tuikhuahtlang
2. F. Zodinthara (VC) - Tuikual South
3. Vanlalthazuala - Bungkawn
4. Zonunsanga - Ramthar
5. Zonunsanga - Tuikhuahtlang
6. Vanlalrinchhana - Zotlang
7. Lalnunpuia Renthlei - Bungkawn
8. Dennis Lalmuanpuia - Dawrpui Vengthar
9. K. Lalfakzuala - Mission Veng
10. R. Lalfakawma - Leitan Veng, Durtlang
11. Michael Liansanga - Serchhip
12. Matthew Remtluanga Sailo - Zarkawt
Coaching Staff:
Manager - K. Zorammuana – Kolasib/Bawngkawn
Coach - KC Lalliantluanga – Armed Veng South Asst. Coach - Lalruatfela – Dawrpui
Fixture:
Men: 16.12.2021 (Thursday)
09:00am Mizoram vs Tripura
17.12.2021 (Friday)
11:30am Meghalaya vs Mizoram
17.12.2021 (Friday)
15:30pm Nagaland vs Mizoram
18.12.2021 (Saturday) –
11:30am Manipur vs Mizoram
19.12.2021 (Sunday)
04:30pm Assam vs Mizoram
Women:
16.12.2021 (Thursday) –
After Inauguration
Meghalaya vs Mizoram
17.12.2021 (Friday)
01:30pm Mizoram vs Assam