​5th HPC Cup tan a ni, latest update internet-a chhuah phal a ni lo !

17th June 2015, 12:06AM

June ni 16, 2015 (Thawhlehni) khan Thuamluaia muala Mizoram chhunga Football Tournament lian leh ngaihhlut hlawh ber pakhat HPC Cup tan a ni a, HPC Cup vawi 5-na a ni khat niah hian Sethlun leh Venghlunte chuan an khingpui ve ve an hneh a ni.

inkhel.com chuan he tournament ropui tak hi kan ngaihlu a, kan theih ang angin Aizawl atangin correspondent tirin kan cover thin. Kuminah erawh harsatna kan tawk tlat mai, a pawi kan ti hle mai. Chanchinbu lam ten chanchinbua chhuah a nih hma chu news hi internet lama chhuah nilose an tih avangin Lunglei District Football Association chuan goal khungte hi min hrilh thei ta lova. Hetiang thil hi kan vawi khat tawnna a ni a, Hemi chungchangah hian inkhel.com chuan pawi a ti hle a, internet media hetiang zawnga khuah khirh kan ni mek hi a pawi kan ti hle a ni.

Hetianga chanchinthar internet lama chhuah chhawng website-te min khuah khirh dawn a nih chuan HPC CUP pawh hi mumal takin kan cover thei lovang tih kan hlau hle. District hrang hranga Sports Association hrang hrang leh print media-te nen phur takin kan thawk ho thei a, kan lawm em em laiin Lunglei lamah erawh hetiang kan tawng hi inkhel.com chuan a pawi kan ti tak zet a, report kimchang kan tarlan theih dawn loh avangin min chhiar tute in mi ngaihthiamna kan dil nghal a ni.

16th June, 2015 Results :

Sethlun 3-1 Thingsai

Venghlun 5-2 Lunglawn

17th June, 2015 Fixtures :

07:00 AM ah Darzo vs Hnahthial.S-I

09:00 AM ah serkawn vs Salem

11:00 AM Chhipphir Vs Bualte

1:00 PM Ramthar Vs Luangmual

5th HPC Cup 2015 Day 1
Copyright © inkhel.com 2024. All rights reserved.