June ni 10, 2015 Nilaini dar 11:30AM khan Directorate Sports & Youth Services Department chuan 4th North East Youth Festival a kal te Participation Certificate leh an lawmman lakte lawmpuina hun Directorate Conference hall ah neih a ni.

Sports Director Pu Zothanmawia leh USAM President Pu Vanlalsawma ten an hmanpui. He North East Festival hi Majuli Island Assam ah may ni 29-31, 2015 khan neih a ni a, hetah hian Sports & Youth Services Department chuan Contingent tirin mi 62 lai antel thei a. Pi Lalrinawmi Fanai Under Secretary, Sports & Youth Services Department chu Contingent Leader a ni.

Festival ah hian Competitive item pali ah telin Non-Competitive item pahnih Adventure leh Taekwondo Demonstration ah te antel a, Competitive item ah chuan Folk Dance, Folk Song, One Act Play leh Rock band Competition ah antel bawk. Rock Band leh Folk Song ah Pathumna an ni a, pawisa fai Rs. 7,500/- leh Rs. 10,000/- ve ve an dawng bawk a ni.

He Festival ah hian Mizoram aiawh in khaw hrang hrang sawm pakhat leh College hrang hrang pali atangin an tel a. 4th North East Youth Festival theme hi “Youth for Environment Heritage & Culture” a ni.

Lawmpuina inkhawm hi Pi Lalengvari Supt, SYS in akaihruai a. Sports Director Pu Zothanmawia chuan Lawmpuina leh fuihna thu a sawiin State dangah hian Fiahna kan hmachhawn zel atul thu leh lawmman dawngtute leh competitive event lova kal te pawh North East thalai te zingah Mizo te nihna kan phochhuak ani ati. Lawmman dawng phakte a lawmpui thu a sawi.

He hunah hia Pu Vanlalsawma USAM President pawhin fuihna thu asawi bawk.