Mizoram Inter School Taekwondo Championship 2019 chu August ni 24, Inrinni khan Electric Veng YMA Hall-ah tan ani a. Pu Lalchungnunga (Vala) Dy.Director, School Education Dept chuan a hawng.

School Inelna Hawnna inkhawm hi MATA President Dr.Rualkhuma Colney in a kaihruai a. MATA General Secretary Master Joseph Thansangan championship report a pe a. Exodus English School ten an thiamthil hmuhnawm tak an entir bawk.

Pu Lalchungnunga chuan "Taekwondo chu zirlaite tan infiamna tha tak a ni a, taksa hriselna atan te, inrintawkna a tan te, mahni invenna atan a tha  a nih bakah taksa hrisel chu an rilru pawh a hrisel thin. Education dept hian zirna tanpui turin infiamna hi theih tawpa chawi vul hi a tum" a ni a ti.

Inter School Taekwondo championship vawi 4 naah hian school 40 chuang atangin player 710 an tel a. Primary school 286, Middle school zirlai 252 leh High school naupang 172 an tel. He Championship a medal Gold medalist atang hian National School Games khel thei tur thlan an ni bawk ang. Mizoram hian National School Games ah tum 6 tel tawhin Silver 4 leh bronze 10 an la tawh a ni.

Inter school Taekwondo hi August 31, 2019-ah Middle School ten an khel leh ang a, September ni 7, 2019 hian High school-in an khel ve thung ang