​£45m-a Di Maria lei tum PSG

30th April 2015, 08:04PM

Nipui liamta khan Manchester United chuan Argentine winger Di Maria chu Real Madrid atangin £59.7m laiin an lei a nih kha. Amahah Man Utd fans ten beisei an neih san em em laiin Real Madrid-a a chet dan angin a che hleithei lo.

Heti chung hia French Champions PSG chuan Man Utd atanga lakchhuah tumin tun nipui bazar lo inhawn hunah hian hma an la dawn niin Mirror chuan a tarlang. Mirror hian PSG-in Di Maria an ngamna zat nen lam a tarlang a, United-in British record fee-a an leina zat erawh hi chuan an ngam lo. PSG hian £45m an thehchhuak dawn nia tarlan a ni.

Nikum khan PSG hian Argentine winger hi Real Madrid atanga leichhuah an tum a, mahse UEFA Financial Fairplay danin a phuar tak si avangin Di Maria hi an chang ta lo. Manchester United hian an chhawr thiam lo nge Di Maria hi England-ah a insiam rem hleithei lo zawk ? Tih chu zawhna lian tak a ni.

Manchester-a an nupa in chu rukruin rawk tumin bei mahse a hlawhtling lo hlauh. A nupui chuan a hlauh vangin Hotel lamah insuan zai an rel a, hemi hnu hian Man Utd chhuahsan tur angin thu a thang chhunzawm nghal, United boss Van Gaal pawhin chhuah leh chhuah loh chu Di Maria thutluknaah a dah thu a sawi a nih kha. Game hnuhnung panga chu Di Maria hian first XI a chang tawh lo nghe nghe a ni.

Copyright © inkhel.com 2024. All rights reserved.