3rd North East Games Nagaland a kal Mizoram team te hlawhtlinna lawmpuina chu March ni 26, 2024 (Thawhlehni) hian Hawla Indoor Stadium, Republic Vengthlangah neih a ni.

He hunah hian Discipline hrang hranga player te MOA Excutive Committee member te bakah sawm bik te an kal tha hnem hle.

He hun hi Pu C.Laltlanthanga Vice President, MOA chuan kaihruaiin Discipline hrang hrang a Mizoram aiawh player te inhmelhriattirna hun a hmang.

Pu Lallianthuama CDM, chuan report a pe a. Kal zawng zawng player bakah staff te nen mi 180 an nih thu sawiin Mizoram hi a pumpuiah 4 na niin Mizoram hian Gold 16, Silver 15, Broze 27 an lak thu a sawi bawk.

Pu Robert Romawia Royte, President MOA, chuan thusawiin Contingent kal haw chawhlui kilpui hi kan nei ngai lo a, vawiin ni a, North East Games-a player te hlawhtlinna kan lawmpuina hunah hian infiammi te pawh hei aia sang zawk leh medal tam zawk lak zel chakna leh duhna lo piang se a ti.

Mizoram in Gold, Silver leh Broze kan lak te hi a hlu hle a. Game items-ah tello a awm nual a, hei vang hian medal hi kan la tam thei lo zawk a ni.

Discipline hrang hrang ten harsatna an tawk a, duh thu samin thil kal vek thei lo mahse, phunnawi lovin chhel taka an rawn haw thei hi lawmawm a tih thu a sawi.

Medalist te sum tam sorkarin pe thei lo mahse, Gold medal la ten Rs 10000/- an dawng ang a, Silver medal la ten Rs 7000/- an dawng ve bawk ang a, Broze medal la ten Rs 5000/- an dawn tur thu a sawi bawk.