3rd Inter District Wrestling Championship zawh fel a ni

30th March 2019, 11:03AM

Mizoram Wrestling Association buatsaih 3rd Inter District Wrestling Championship, 2019 mipa leh hmeichhia inelna chu March 29, Zirtawpni khan Ramhlun Sport Complex, zawh fel a ni a, a pumpuiah Aizawl District Team Champion. 

Kolasib Dist pahnihna an ni thung. Best Player -ah Remruatpuia Aizawl Dist chu thlana ni a, Hmeichhia Best player-ah Lalnuntluangi Kolasib thlan a ni bawk.

He inelnaah hian District hrang hrang atangin Wrestler 41 fuankhawmin Mizo hnam infiamna, Inbuan leh insuknawr mipa in an khel a, Inchaiah free Style leh Greco Roman Style khelh tel niin hmeichhia in free style an khel bawk.

Greco Roman Style Kg.55 hnuailam inchaiah Ronald Lalrinmawia, Aizawl District chuan Vanlalhumhima Kolasib District chu hnenin a champion a. Lawmnasangpuia, Serchhip District chu pathumna a ni a, Greco Roman Style Kg.66 hnuai lamah Zalawmtluangpuia, Serchhip chuan Lalnunpuia Kolasib Dist. chu hnehin Gold Medal a dawng a. Laldinmawia Aizawl chuan bronze medal a dawng.

Greco Roman Style Kg 74 hnuai lamah Ngursangzuala Aizawl District chuan Lalhriatkima Serchhip District hnehin a champion a. Free Style Kg.55 mipa hnuai lamah Lalhruaitluangi Kolasib chuan Gold Medal lain, Lawmsangzuala Serchhip chuan Silver Medal a la a. H.Lalhruatzela Serchhip chuan Bronze Medal laiin Free Style Kg.74 mipa hnuai lamah Remruatpuia, Aizawk chuan Gold Medal lain, R.Lalmuanawma Kolasib chu pahnihna a ni a, KC.Lalramluaha Aizawl District chuan Bronzwe Medal a dawng bawk.

Free Style Kg.44 hnuailam hmeichhia inkhelah Jennifer Lalruatfeli Aizawl chuan Remsangzuali Serchhip District hnehin Gold Medal ala, Free Style Kg.55 hnuai lam hmeichhia ah vek Lalnuntluangi Kolasib chuan Vanlalhriati Aizawl hnehin a champion a, Natasha Laldintluangi Aizawl chuan parthumna a hauh bawk a ni.

Kg.59 hnuai lam Lalrinfeli Kolasib Dist. chuan Lalhriatpuii hnehin a champion a, Kg.63 hnuailam hmeichhia free style inchaiah Elizabeth Rohlupuii Aizawl District chuan K.Vanlalchhanhimi Kolasib hnehin a champion a. Kg.69 hnuai lam hmeichhia inkhelah Lalremruati Kolasib chuan Lalhmangaihsangi Aizawl chu a hneh bawk a ni.

Mizo infiamna Inbuanah Pate huang chhungah Ronald Lalrinmawia Saitual chuan Vanlalhumhima Bilkhawthlir chu hnehin a chak ber a. Pate chungah Remruatpuia Saitual chuan Zalawmtluangpuia Serchhip hnehin a chak bawk. Palaihawl inbuanah Lalhruaikima Serchhip chuan R.Lalmuanawma Kolasib hnehin a champion a ni.

Insuknawrah bikah Ronald Lalrinmawia Saitual chuan Lalhruaitluanga Kolasib hnehin a chak a, Pate chung huangchhung insuknawrah Zalawmtluangpuia Serchhip chuan KC Lalramliana Seling chu hnehin Insuknawrah a chak ber. Palaihawl insuknawrah R.Lalmuanawma Kolasib chuan Ngursangzuala a hneh bawk a ni.

Copyright © inkhel.com 2024. All rights reserved.