2ND MIZO ONLINE CHESS TEAM BATTLE CHU 5/9/2020 (Inrinni) zan khan khelh zawh a ni leh taa, Mizo Rising Star champion lehin Point 97 lai an hmu a, an mahnih hnaih bertu Mizo Junior team A chuan 84 points an hmu a ni.

Online Chess team, member 5 theuh awmna team 10 tel tura ruahman a ni a, tel hman lo team leh player tha tak tak an awm nual. Mizo Online chess game in hma a sawnin, hlut tu an pung zel tih a chiang hle.

Lichess platform atanga khelh leh a ni a, time control 5+0 hman a ni bawk. Tuntumah hian Berserk phal a ni lo a ni.

Tel zinga Lichess Rapid rating nei sang ber chu C.Lalrinsanga(Nubuanga) a ni a, rating 2150 a ni a. A hnaim ber chuan 1319 rating a nei thung a ni. A vai thu a rating avarage lak chuan 1815 a ni.

Darkar khat leh a chanve chhung khelh a ni a, He team battle a game awm zawng zawng hi game 230 a ni.

Mimal a thiam ber nihna lawmman dawngtu chu Robert Runremmawia (Vaipaden) a ni a, a team Mizo Rising Star tan point 32 lai a score a ni.

Tel zingah hian Under 11 player an awm laiin Veteran player Kum 50 chung lam pawh tel an awm a ni.

He Online Chess Team Battle a Prize leh senso zawng zawng hi Mizoram B team in an tum vek a. Technical lama mawhphurtu ber chu John Zonunthara Sailo ( Jihntea_chiksmagnet) a ni. A ni hi player ni chungin technical lam a buaipui bawk a, a hah thei zak zak hle

Mizoram Chess Association atangin Master Zamtea, Assistant Secretary in he inkhel hi a uap rem bawk a ni.

Mi inphalte avangin Weekend ah chuan hetiang tournament hi awm thei ziah tur a beisei a ni.