23 Nov 2019 02:12

inkhel

2nd Aijal Club Challenger Tennis League

Mizoram Tennis inelna ngaihhlut ber leh ropui ber tiin sawi ila kan sawi sual tam lo ang tih tur, 2nd Aijal Club Challenger Tennis League chu Aizawl Tennis Club, Court Tuikual ah Ni 25-30 November chhungin khelh ani leh dawn ta. He Challenger Tennis League hi nikum atanga khelh tan ani a, kumin hi avawi-2 na tur ani. He Challenger Tennis League ah hian Champion lai chu Zarkawt Xenons te anni.

He Challenger Tennis League Thawtanni Zing dar-9:00 ah City Park ah hawnna neih ani anga, Chawhnu dar 12:30 ah Opening match in a zui nghal ang.

Challenger Tennis League hi India ramah State tlemte te Chauhin an buatsaih thei thin a, India Top Player te inkhel en theihna huntha min chhawpchhuah sak thei tur hi alawmawm hle ani, A hmunawh ngei rawn ve in Thlasik boruak nuam takah inkhel hmuhnawm tak en tur a awm dawn e, tin ticket a awm hran dawn lova, en turin mipui te kan insawm ani e.

He CTL ah hian Team-5 an inlan dawn a, Team Owners leh Club hmingte chu.

1. Zarkawt Xenons - CS Laldawngliana
2. K-12 Acers - Joseph Z Khuma
3. Chanmari Slammers - C. Lalthantluanga
4. Ngopa Worriors - John Lalpeka
5. Bethlehem Vengthlang Tennis Club - BVT Tennis Club

Challenger Tennis League lo awm turah hian team tinah hian players-10 zel an awm thei dawn a, Mizoram tualchhung players-4 zel awm tura tih ani bawk. Club Hrang hrangte chu vawi-1 theuh inkhel kualin asang pa-2 ten final an khel dawn ani.

Challenger Tennis League a Categories awm tur te:

1. Men's Singles
2. Men's Doubles
3. Women's Singles
4. Mixed Doubles
5. Boy's U-16
6. 35+ Doubles

Match tinah hian One Set zela khel tur ani a, an inkhelh zawh vek hnu ah an game lak zawng zawng kha belhkhawm tur ani a, chuta la tam zawk chu an chak dawn ani.

Team Bihchianna

Zarkawt Xenons
Club Owner: CS Laldawngliana
Team Captain: B. Lalruattluanga

Zarkawt Xenons te hi Champion lai anni a, Tun CTL ah pawh hian champion leh ngei tumin theihtawp chhuah leh an tum a, team tawhkhirh awm ber pawl annih leh arinawm ani. Anni hian Auction ah khan Mizoram no.3 Innocent Lalrindika chu ?1,11,000 in an lei a, an phur tlang tawh hle ani.

Player te

1. Innocent Lalrindika: Ani hi Mizoram no.3 ani mek a, Doubles player tha tak niin, Tun league ah pawh hian doubles lamah an rawn hman leh nasat a rinawm ani.

2. Lalthanmawia & 3. Lalthlamuana: te hi Mizoram 35+ Doubles no.1 nilai anni a, club khatah an khel dun dawn a, an hlauhawm khawpin a rinawm ani.

4. T. Zonunsanga: Ani hi Lunglei Tennis khel thiam ani a, Nikum an champion theihnana player thawhhlawk ber pawl ani a, 35+ Doubles ah an rawn hman nasat leh arinawm ani.

5. Lalmuanzela: Ani hi player tha tak ani a 35+ D ah akhel dawn a, a rawn che hmuhnawm leh hle arinawm ani.

6. JH Lalhruaizela: Players naupang tak hma hun eng tak ani a, nikum lamah ATC love all tan inlanin kumin ah Sawmna duhawm tak nen Champion tan a rawn inlan dawn ani.

7. Yash Yadav: Ani hi Madhya Pradesh lam mi ani a, Tunah hian kum-20 mi niin India Men's Singles ah no.41 nilai mek ani a, player tha tak ani.

8. Riya Bhatia: Ani hi Women's India tan te pawh Fed Cup ah lo inlan tawh ani a, tunah hian India Women's No.2 nilai mek ani.Player tha leh Tawnhriat ngah tak ani a, a chevel hmuh a chakawm tawh khawp ani.

9. Ishaque Eqbal: Ani hi West Bengal lam mi ani a, Team innghahna tlak player ania, Kum 21 mi niin tunah hian India men's Singles no-10 nilai mek ani a, Army Player niin, World Military Games 2019 ah pawh khan India ai alo awh tawh bawk ani.

10. Viki Kayanda Poonacha: Ani hi Andra Pradesh lam ani a, tawnhriat ngah player ani a, Tunah hian India Men's Singles no-9 nilai mek ani. Team inghahna tur anih rinawm.

K-12 Acers
Club Owner & Team Captain: Joseph Z Khuma

Anni hi Nikum CTL neih ah khan Runner's Up niin kumin ah hian champion nomawi Delhi tlang lamah hawn thlak ngei an tum ruh hle ani. Anni hi Tennis Hmangaihna avanga club nei ti ila kan sawi sual in ka ringlo, An Club Owners Joseph Z Khuma hi New Delhi ah K-12 Tennis Academy neiin a awm chilh a, Players Tha tak tak nen rawn champion atum hle ani.

Player te

1. Joseph Z Khuma: Ani hi Tennis Coach anih mai bakah Player tha tak ani a, tunah hian Aita Men's Singles ah No-96 na ni lai ani a, team tan athluak nasa takin a seng leh arinawm.

2. Basil L Khuma: Ani hi Mizo in tennis player kan neih ber te zing ami ani a, hun eng emaw chen inhliamin atih buai hnu ah arawn kir leh a, akum ala naupang a tunah hian aita ah Men's Singles Rankin no-253 nilai mek ani a, Team tan players pawimawh tak anih leh a rjnawm hle ani.

3. Paul Khuma: Ani hi 35+ Singles khel tur anih a rinawm a, nikum lamah Aijal Acers tan inlanin tun tumah an club ah ngei arawn khel dawn ta a, akhel hmuh a chakawm tawh hle ani.

4. Herman Khuma: An chhungkaw pa ber ho in K-12 an rawn thawk chhuak dawn a, a theuneu lo viau turah ngai ila, a kum tam ve deuh tawh mahse team tan ala pawimawh hle a rinawm ani.

5. CC Lalchhuangkima: Ani hi player tha ve tak ani a, 35+ Singles ah a rawn inlan dawn ani.

6. Suraj Prabodh: Ani hi Karnataka lam mi ani a, Tunah hian AITA men's Singles Ranking no-27 nilai ani a, An player pawimawh tur anih a rinawm.

7. Sam Chawla: Ani hi Haryana lam ni niin, Tunah kum-16 mi niin Aita U-16 ah hian No-11 nilai ani a, K-12 tan U-16 ah arawn inlan ang.

8. Bhicky Sagolshem: Ani hi Manipur lam mi niin, U-16 ah hian No-86 nilai ani a, U-16 thachhang dawl tu tur anih a rinawm .

9. Chandra Sekhar Mohanty: Ani hi Nikum lamah khan Aijal Acers tan inlanin Players pawimawh tak ani a, kumin ah club thar tan theihtawp a rawn chhuah a rinawm ani.

10. Sai Samhita: Ani hi India Women's Singles No.23 nilai ani a, K-12 hmeichhe lam nin nghah na pawimawh tak tur ani a, Player tha tak ani a, an khel hmuha chakawm tawh hle anj.

Chanmari Slammers
Club Owner : C. Lalthantluanga
Team Captain : Joel Murray

Chanmari te hi an vawikhat inlanna tur ani a, an players te en chuan vawikhat inlanna ah pawh champion nghal thei dinhmunah an ding a, an thawhho na atha in, an phur tlang tawh hle a, Champion ngei pawh an tum ruh hle ani.

Player te

1. Vishnu Vardan: Ani hi India players te zingah chuan tawnhriat ngah tak ani a, Wimbledon 2007 khan 2nd round alo thleng ve tawh bawk a, Tunah hian a kumte uai thla lam deuh tawh mahse players tha tak ala ni reng ani.

2. Kunal Anand: Ani hi Delhi lam chhuak niin, tunah hian Aita Men's Singles Rank No-12 nilai mek ani a, players tha tak niin, Team in nghahna tur anih a rinawm.

3. Jatin Dahiya: Ani hu Delhi lam chhuak tho niin, tunah hian Ranking no-15 nilai ani a, Players tha tak ani a, A chevel hmuh a chakawm tawh hle anj.

4. Kaavya Sawhney: Ani hi Players naupang tak ani a, tunah hian Aita Women's no-91 nilai ani a, kum-18 chauh a, la naupang ni mahse players tha tak ani a, a chevel hmuh a chakawm tawh hle ani.

5. Bushan Haobam: Ani hi U-16 playerd tur ani a, tunah No-21 nilaj ani mek ani.

6. Lalhmachhuana: Ani hi Mizoram no-1 nilai ani a, Doubles player tha tak ani a, A chevel hmuh a chakawm tawhin a inbuatsaihna athat thu a mah pawhin alo sawi tawh ani.

7. Hmunmawia: Rei tak tennis a chawlhsan hnu ah a rawn kir leh dawn a, mipui ten a khel an hmu chak tawh hlawm hle ani.

8. Stephen Lalhriatpuia: Ani hi 35+ Doubles player's tur niin team innghahna tur anih a rinawm.

9. Vanromawia: Ani hi Players tha ve tak ani a, Tun CTL ah pawh hian tha taka akhelh a beiseiawm ani.

10. Joel Murray: Ani pawh hi 35+ Doubles players tur niin team tan theihtawp a tan a rjnawm anj.


Ngopa Warriors
Club Owner : John Lalpeka
Team Captain : Lalrinpuia

Ngopa khua sawi chuan Tennis a, Mizoram a an chungnun zia sawilan kher ngailo in rilru ah alo lang nghal thin a, tun tumah pawh hian a khawtlang tanrual na avangin team an rawn nei thei dawn a, Players tha tak tak chah chhuakin champion ngei an tum hle ani.

Player te

1. Mohil Mayur: Ani hi Tamil lam mi ani a, Tunah hian No-29 nilai mek ani a, Player tha tak leh tawnhriat ngah tak anj a, Tha taka a rawn khelh a rinawm a, team innghahna tur ani.

2. Dakshata Girishkumar Patel: Ani hi Maharashtra lam chhuak niin tunah hian no-59 ani mek a, Team tan player pawimawh tak ani dawn a, a che vel hmuh a chakawm tawh hle ani.

3. Divesh Gahlot: Haryana lam chhuak ani a, ala naupang a kum-16 ni in men's ah pawh rank no-128 ni pha in, tunah hian U-16 ah 19 na ni mek in,Ngopa tan players pawimawh tak anih arinawm dawn ani.

4. Ramengmawia: Ani hi Mizoram no-1 te pawh rei tak lo ni tawh ani a, player tha tak anih baka tawnhriat angah tawh a, an team tan leh A chawrchhuahna khaw tan theihtawp a chhuah arinawm ani.

5. Zothanpuia: Players tha ve tak ani a, tawnhriat aneih te team tan atangkai viau arinawm a, army player niin, team tan theuhtawp a chhuah arinawm ani.

6. Lalngurliana Sailo: Ani hi Thenzawl lam mi ani a, Player tha ve tak ani a, Tawnhriat nei em emlo mahse team tan a tangkai ve theih a rinawm.

7. Laldintluanga: Team tan theihtawp chhuah a, theihna zqwng zawng nen akhelh kan beisei.

8. Lalrinpuia: Ani hi an Captain tur ani a, players tha tak ani a, team tan ngaihtuah na nasa tak asen a rinawm ani.

9. C. Denghmingthanga: Players tha leh tawnhriat ngah Hmun hrang hranga lo champion tawh ani a, Team tan atangkai viau arinawm ani.

10. K. Lalramhmuaka: Ani hi Players cum coach angreng deuh ani dawn a, players tha ve tak ani a 35+ ah akhelh arinawm ani.


Bethlehem Vengthlang Tennis Club
Club Owner : BVT Tennis Club

Bethlehem Vengthlang sawi chuan veng tangrual annih zia te, infiamna a fans anneih that zia te rilru ah alo lang nghal thin, he CTL ah hian Mizo players-9 ngawt an rawn nei dawn a, an fakawm khawp mai, Veng tangrual annih zia Fans ten theihtawp a an support ngei a rinawm ani.

1. K. Lalrinawma: Ani hi Mizoram Tennis ah hun rei tak no-1 niin Mizoram ah chuan a champion ngun ber a , tunah hian no-2 nilai niin, Team tan players pawimawh tak anih a rinawm.

2. Lalhmangaiha: 35+ D players tur ani a, BVT tan leh an veng tan theihtawp a rawn chhuah a rinawm ani.

3. Richard Lalduhsaka: Players la naupang a, team tan a thawhhlawk tak anih a rinawm.

4. Andrew Lalsangzela Sailo: Ani hi 35+ D a khel tur ani a, team tan player pawimawh tak tur ani.

5. Robert Lalrinawma: Ani hi U-16 players tur ani a, Zotlang naupang niin mizo U-16 players neih that pawl ani.

6. K. Lalrinsanga: Bvt tan theihtawp a chhuah arinawm a, team tan a tangkai hle a rinawm.

7. K. Ramengmawia: Team tan thawhhlawk taka akhelh a rinawm a, team te tan a tnagkai arinawm hle.

8. K. Lalhruaizela: Team tan theihtawp a chhuah a rinawm a, a tawnhriat te a tangkai hle ang.

9. HT Lalengmawii: Mizo hmeichhe Tennis players ah chuan Engi tluka tha hi an awm tawhlo maithei a, Mizoram no-1 nilai ani a, Mizoram a champion ngun ber ani mek a, team tan a tangkai viau a rinawm a ni.

10. Abhisek Gaur: Ani hi Aita men's Ranking No-45 nilai ani a, Bvt innghahna tur ani a, team tan atangkai viau dawn a ni.