Formula 1 chuan 2019 calendar tur an ruahman chhin chu an tichhuak a, hetah hian intlansiak 21 a awm dawn a, German Grand Prix pawh a tel dawn a ni.
2019 calendar tura an ruahman chhin hi October 12 hian FIA World Motor Sport Council chuan an thlirho ang a, an pawm phawt a ngai dawn a. Hetah hian siam danglam ngai a awm a nih chuan an siam danglam ang a, chumi hnuah calendar hman tak tak tur chu an tichhuak dawn chauh a ni.
Calendar ruahman chhinah hian March 17 atangin 2019 season tan tur a ni dawn a, a hma ang bawkin Australia ramah bul an tan ang a, December 1 ah Abu Dhabi ah hnu an khar dawn a. Intlansiak dan indawt hi kumin nen a inang lo zeuh zeuh dawn a, intlansiak thenkhat indawt dan chu an thlak danglam zeuh zeuh a ni.
Singapore GP chu Russian GP nen a indawt tawh dawn a, Singapore GP hi September 22 ah neih a ni ang a, Russian GP chu a dawt chiahah awmin, September 29 a neih tura ruahman a ni a. Mexican GP chu United States GP neih hma chiahin a awm dawn bawk a ni.
F1 commercial chief Sean Bratches chuan Germany leh Japan te nen contract an pawtsei thei chu lawmawm a tih thu a sawi a. Heng hmun pahniha an la intlansiak theih zel dawn avangin phurawm a tih thu a sawi a, hei hian Formula 1 chu mi thinlungah a la tla na zel a ni tih a tilang niin a sawi.
Draft 2019 F1 calendar
March 17 Australian Grand Prix (Melbourne)
March 31 Bahrain Grand Prix (Sakhir)
April 14 Chinese Grand Prix (Shanghai)
April 28 Azerbaijan Grand Prix (Baku)
May 12 Spanish Grand Prix (Barcelona)
May 26 Monaco Grand Prix (Monte Carlo)
June 9 Canadian Grand Prix (Montreal)
June 23 French Grand Prix (Paul Ricard)
June 30 Austrian Grand Prix (Red Bull Ring)
July 14 British Grand Prix (Silverstone)
July 28 German Grand Prix (Hockenheim)
August 4 Hungarian Grand Prix (Budapest)
September 1 Belgian Grand Prix (Spa)
September 8 Italian Grand Prix (Monza)
September 22 Singapore Grand Prix (Marina Bay)
September 29 Russian Grand Prix (Sochi)
October 13 Japanese Grand Prix (Suzuka)
October 27 Mexican Grand Prix (Mexico City)
November 3 United States Grand Prix (Austin)
November 17 Brazilian Grand Prix (Interlagos)
December 1 Abu Dhabi Grand Prix (Yas Marina)