03 Dec 2019 02:28

bakteaJr.

Mizo tlangval

​2019 Ballon d'Or winner Lionel Messi

Kum 2019 Ballon d’Or lawmman sem chu zawh fel a ni ta a, Barcelona leh Argentina player Lionel Messi chuan 2019 Ballon d’Or chawimawina hi a dawng.

Messi hian a vawi ruk nan he mimal chawimawina hlu tak hi dawngin, Cristiano Ronaldo lehpelin Ballon d’Or dawng hnem ber nihna a hauh.

Nikum khan Messi hi pangana niin kuminah erawh midang zawng khumin, football-a mimal chawimawina hlu ber zinga mi Ballon d’Or a dawng. Kumin chhungin Messi hian La Liga title a la a, Liverpool defender Van dijk chuan Champions League nomawi chawi mahse Messi a phak ta lo a ni.

Tun season kal mekah Messi hian Barcelona tan game 14 khel tawhin goal 11 a khung tling tawh a, assist vawi 8 a nei tawh bawk. Season liamta khan Barcelona tan game 50 atangin goal 51 lai a khung a, assists vawi 19 a nei bawk.

Messi hian kum 10 liamta khan Ballon d'Or award hi a vawi khat nan a dawng a, kum 2010, 2011, 2012, 2015 leh 2019-ah te a dawng chhunzawm ta a ni.

Ballon d’Or dawng tura mi tam takin an rin Virgil Van Dijk chu pahnihna niin, he chawimawina vawi nga dawng tawh Cristiano Ronaldo chu pathumnaah a awm a, palinaah Liverpool forward Sadio Mane a awm bawk.

Hmeichhe lam lawmman semah USA player Megan Rapinoe chuan Women’s Ballon d’Or lawmman a dawnga, ani hian a vawi khat nan he chawimawina a dawng.

Liverpool goalkeeper Alisson Becker chuan goalkeeper tha ber hnena pek Yachine Trophy a dawnga, he lawmman hi kumin atanga sem chhuah tan niin Alisson hi a dawng hmasa ber tu a ni.

Player kum 21 chin leh a hnuai lama che tha bera ngaih hnena pek thin Kopa Trophy chu Juventus defender Matthijs de Ligt chuan a dawng bawka, ani hian season liamta khan naupang te niin Ajax a chet that pui hle a, kumin nipui khan Juventus chuan Ajax atang hian an lei chhuak a ni.

2019 Ballon d'Or Top 30 hetiang hian:

28- Marquinhos

28- Joao Felix

28- Donny van de Beek

24- Marc-Andre ter Stegen

24- Kalidou Koulibaly

23- Hugo Lloris

22- Son

20- Pierre-Emerick Aubameyang

20- Dusan Tadic

19- Trent Alexander-Arnold

18- Antoine Griezmann

17- Roberto Firmino

16- Sergio Aguero

15- Matthijs de Ligt

14- Kevin de Bruyne

13- Eden Hazard

12- Raheem Sterling

11- Frenkie de Jong

10- Riyad Mahrez

9- Bernardo Silva

8- Robert Lewandowski

7- Alisson Becker

6- Kylian Mbappe

5- Mohamed Salah

4- Sadio Mane

3- Cristiano Ronaldo

2- Virgil van Dijk

1- Lionel Messi