13 May 2019 03:56

bakteaJr.

Mizo tlangval

​2018/19 Premier league season thlirletna

Kum 2018/19 Premier League season chu a hmawr bawk fel a lo ni ta a, kan hriat tawh theuh angin season hmasaa champion Manchester City bawk chu point 98 hmu in an champion.

Tun season khan thil tam tak a thlenga, mi thenkhat chuan Premier League season awm tawh zawng zawnga hmuhnawm ber ang te pawhin an sawi ve mek bawk.

Liverpool chuan pahnihna hauhvin, point 97 lai an hmu a, Chelsea pathumnaah awmin, Tottenham chu palinaah an awm ve bawk.

Tun season-a thil thleng langsar zualte:

  • Liverpool fullback pahnih Trent Alexander-Arnold leh Andy Robertson-te chuan assist 10 chuang ve ve an nei thei a, Alexander-Arnold hian assist 12 neiin Robertson hian assist 11 a nei ve thung. Premier League chanchinah defender pahnihin assist 10 chuang an neih vawi khatna a ni.
  • Premier League-ah hian manager pathum chiah a zawna champion thei an la awm a; Jose Mourinho, Sir Alex Ferguson leh Pep Guardiola te an ni.
  • Kum 2008-09 season hnuah a vawi khat nan goalkeeper pahnihin clean-sheet 20 chuang an nei leh a, tun season khan Liverpool keeper Alisson Becker chuan clean-sheet 21 neiin Manchester City keeper Ederson chuan clean-sheet 20 a nei ve thung.
  • Liverpool hi point 97 hmu leh vawi khat chiah tlawm chunga Premier League champion lo thei hmasa ber leh awmchhun an ni.
  • Chelsea thiampuipa Eden Hazard chu goal 31 laiah a inrawlha, goal 16 khungin assist 15 a nei a, ani aia goal-a inrawlh hnem an awm lova, Premier League Playmaker award lawmman hlan a ni bawk.
  • Liverpool keeper Alisson chu goalkeeper zinga pass ngah ber a ni a, vawi 864 lai pass a nei. Cardiff City goalkeeper neil Etheridge chu goalkeeper zingah lehlam half-a ball pass lut hnem ber a ni a, vawi 315 a pass.
  • Ederson leh Jonas Lossl-te chiah chu tun season chhunga goalkeeper assist nei thei te an ni.
  • Defender zingah Brighton centre-back Shane Duffy chu goal khung hnem ber niin, goal nga a khung.
  • Tun season chhunga midfielder recoveries nei hnem ber hi Leicester City midfielder Wilfred Ndidi a ni a, vawi 324 lai recoveries neiin, West Ham midfielder Declan Rice (288) chuan a dawt.
  • Goalkeeper zingah an tihsual avanga goal chhuah hnem ber chu Bournemouth goalkeeper leh Arsenal goalkeeper Bernd Leno-te an ni a, anni hian vawi 5 an tihsual avangin goal an chhuah phah.
  • Cross lut hlawhtling ber (corner pet chhiar tel a ni) hi Fulham player Jean Michael Seri a ni a, a cross luh zawng zawng atangin 36.11% chu a hlawhtling.
  • Tun season chhunga mahni lama goal khung palh hnem ber chu Wolves defender Conor Coady a ni a , vawi thum a own-goal.
  • Tun season chhunga lehlam pawlte ball inpe tur lo dangchat hnem ber chu Watford midfielder Etienne Capoue a ni a, vawi 86 lai lehlam ball inpe lai a lo dangchat thei.
  • Leicester midfielder Ndidi leh Everton midfielder Idrissa Gana Gueye-te chuan tackle vawi 143 ve ve an nei a, tun season chhunga tackle nei hnem ber te an ni.
  • Chelsea player Eden Hazard chu take-ons ngah ber a ni a, vawi 138 lai neiin, Wilfried Zaha (113) chuan a dawt.
  • Chelsea player Hazard chu tun season chhunga assist nei hnem ber a ni a (15), take-ons ngah ber ni bawkin, set-piece nilo atanga chance siam chhuak hnem ber (80) a ni bawka , final-third a ball pass lut hnem ber (1209) a ni bawk.
  • Leicester City player James Maddison chu tun season chhunga chance siam chhuak hnem ber a ni a, vawi 100 lai chance a siam chhuak thei a, Hazard (98) chuan a dawt. (set-piece chhiar telin)
  • Fulham chuan tun season chhung khan player kum 20 la tling lo te an khelh tir chhung belhkhawm chu minute 2312 lai a ni a, anni aia player kum 20 la tling lo khelh tir nasa an awm lo. Fulham dawtah hian Arsenal (2004), West Ham (1728), Burnley (1597) leh Wolves (1326) te an awm. (Bracket chhunga number –te hi an minute khelh zat belhkhawm zel a ni)
  • Tun season chhunga second-half a goal khung thei ber hi Liverpool an ni a, second-half ah goal 51 khungin Manchester City (46) chuan an dawt.
  • Manchester City chu chance lian hlah hnem ber an ni a, chance lian an hlah zat hi 71 lai niin, Manchester United (61) chuan an dawt.
  • Goalkeeper vawi nga aia tam khel zinga save percentage nei tha ber chu Liverpool goalkeeper Alisson (77.1%) a ni.
  • Tun season-a goal khung hnem ber hi pathum an awma; Arsenal forward Pierre-Emerick Aubameyang leh Liverpool forward pahnih Sadio Mane leh Mohamed Salah-te an ni a, anni hian goal 22 theuh khungin Golden Boot lawmman an dawng vek. An pathum hian African player vek niin African player pathum Golden Boot intawm hi Premier League-ah a la awm ngai lo.
  • Kum 1998/99 season khan Jimmy Floyd Hasselbaink, Michael Owen leh Dwight Yorke-te chuan Golden Boot hi an lo intawm tawh a, tun season hi 1998/99 hnua player pathumin an intawm leh vawi khatna a ni.
  • Liverpool player Sadio Mane chu tun season chhunga a lu, ke dinglam leh a ke veilama goal nga chin emaw a aia tam khung vek thei awmchhun a ni.
  • Liverpool defender Virgil Van Dijk chu season tluanin tu mahin one-on-one ah an paltlang lo.
  • Arsenal forward Aubameyang chu Bundesliga leh Premier League-a Golden Boot dawng ve ve thei awmchhun a ni.
  • Tun season chhung khan Liverpool chu chak loh nei tlem ber an ni a, goal chhuah tlem ber an ni bawk.
  • Manchester City manager Pep Guardiola chu La Liga, Bundesliga leh Premier League-ah te a zawna manager anga league title la thei vek awmchhun a ni.
  • Liverpool chu tun Premier League season chhunga mahni muala chak loh nei lo awmchhun an ni.
  • Liverpool right-back Alexander-Arnold chu season khat chhunga defender assist 12 nei tling thei hmasa ber leh awmchhun a ni.
  • Manchester City chuan an Premier League title palina an la leh ta a, anni aia Premier League-a champion hnem hi Manchester United (13) leh Chelsea (5) chiah an awm.
  • Chelsea midfielder Jorginho chu tun season chhunga pass nei hnem ber a ni a, vawi 3118 lai pass in, top 10-ah hian Chelsea player dang 3 an lang bawk a ni.