Zirtawpni zing khan 67th All-Star Game atana starters puan an ni a, LeBron James-a team leh Stephen Curry te team te an inhmachhawn ang.

James chuan vote hmu sang berin Eastern Conference-ah Kyrie Irving (Boston), DeMar De Rozan (Toronto), Joel Embiid (Philadelphia) leh Giannis Antetokounmpo (Milwaukee) te ho nen starter an ni a, James chuan Eastern lam hi a ho ang.

Stephen Curry chu Western Conference lama vote hmu sang ber a ni a, Kevin Durant (GSW), James Harden (Houston), Anthony Davis (New Orleans) leh DeMarcus Cousins (New Orleans ) te chu khawthlang lam atanga starters an ni. Heng starter te hi fans, players leh media tena an thlan atanga phochhuah an ni a.

Player 14 te chu All-Star reserve atana thlanchhuah an ni leh dawn a, January ni 23-ah tarlan an ni ang. Eastern atangin player 7, Western atangin player 7 thlan an ni anga, heng hi NBA head coach ten an thlang ang. Draft hi zawh a nih hunah captain chuan player 11 a nei anga, amah nen 12 an ni dawn a ni. Team pahnih hian a tlem berah guard pathum tal an nei tur a ni bawk.