Kumin World Cup a footballer thenkhat bialnu leh nupui te:
Georgina Rodriguez
Model Georgina Rodriguez hi vawi nga ngawt Ballon d’Or dawng tawh, Portugal superstar Cristiano Ronaldo bialnu a ni a. Tun hnai lawkah an pahniha an fa pakhatna, Cristiano Ronaldo fa palina, fanu Alana Martina a hring a ni.
Antonella Roccuzzo
Barcelona leh Argentina captain Lionel Messi leh Antonella Roccuzzo te hi June 2017 khan an inkutsuih a, naupanlai atanga inkawp chho ngar ngarte hian fapa pathum an nei tawh a ni.
Shakira
2010 South Africa World Cup hlapui tur ‘Waka Waka’ an buatsaih a, khatah khan Spanish footballer Gerard Piqué chu tel vein, hemi atang hian he hla satu Shakira nen chuan an inkawp tan a, tunah chuan an pahnih hian fa pahnih an nei tawh.
Katie Goodland
England forward Harry Kane leh a nupui hual Katie Goodland te hi sikul kal lai atanga lo inzui tawh an ni a, 2017 khan an inhual a, tunah hian an fa pahnihna tur an beisei mek a ni.
Bruna Marquezine
Brazil leh Paris Saint-Germain superstar Neymar leh Bruna Marquezine hi a chang leh an inkawp a, an han inthlah leh rih a, chutiang chuan an awm fo a. Bruna hi actress a nih bakah model a ni bawk a, Brazi rama TV show leh film eng emaw zatah a chang ve tawh a ni.
Erika Choperena
Antoine Griezmann leh child psychologist Erika Choperena te hi Real Sociedad a Griezmann la awm laiin an intawng a, 2017 khan an innei a, fanu pakhat an nei.
Amine Gulse
Swedish-Turkish actress leh model Amine Gulse hi Germany midfielder Mesut Ozil bialnu a ni a. 2014 khan Miss World Turkey atana thlan niin, Miss World thlannah Turkey aiawhin a tel a ni.
Ruby Mae
Supermodel Ruby Mae hi England leh Tottenham Hotspur midfielder Dele Alli bialnu niin, 2016 atang khan an inkawp tan a. Euro laiin Ruby Mae hian Dele Alli inkhel a en a, hemi atang hian an inhaw zui ta lo.
Pilar Rubio
Spanish centre-back Sergio Ramos chuan 2012 khan a bialnu hi a tawng a, Pilar Rubio hi TV Presenter niin, an pahnih hian fa pathum an nei tawh.
Sofia Balbi
Naupan lai atang tawha inkawp chho Luis Suarez leh Sofia Balbi te hi 2009 khan an innei a, tunah hian fa pahnih an nei tawh a ni.
Rebekah Vardy
TV Personality Rebekah Vardy leh England forward Jamie Vardy te hi 2014 khan nightclub-ah an intawng a. An pahnih hian fa pahnih an nei tawh a, Rebekah hian a pasal hmasa lakah fa pahnih a lo nei tawh bawk a, naupang pali an enkawl mek a ni.
Pamela Anderson
90s TV star Pamela Anderson hi Baywatch atanga lar chho a ni a, modelling lampang pawh a luhchilh tel a. Tunah hian French footballer Adil Rami nen an inkawp mek.
Sabrina Kvist Jensen
Sabrina Kvist Jensen hi Tottenham Hotspur leh Denmark midfielder Christian Eriksen nupui a ni a. World Cup tan hma deuh khan Sabrina hian an fa a hring a, Eriksen hi an ram tan a inkhelh theih loh phah.
Rebekah Cahill
Australian veteran Tim Cahill leh a nupui Rebekah Cahill te hi sikul kal laiin an intawng a. 2010 khan an innei a, an pahnih hian fa pali an nei tawh a ni.
