Golden State Warriors chuan series-a 3-1 a hma hruai chungin thawhlehni khan Celveland Cavaliers an hmachhawn a, 129-120 in Warriors hian hnehna an chang a, 4-1 in Final series-ah hnehna an chang a, 2016/17 NBA Champion an ni ta a ni.

Kum thum chhungin a vawi hnih nan Warriors chu an champion ta a, final game 5-a 39 points score-tu Kevin Durant chu MVP-a thlan a ni bawk. Durant hian final game 5 khelhah game tinah point 30 aia tam a score ziah nghe nghe a ni.

Nikum nipui khan Durant hian Warriors hi a zawm a, season tluanin tangkai mahse final-ah a ropui zia nasa takin a rawn pholang ta a ni. Warriors hian player an nei tha hle a, Stephen Curry leh Klay Thompson te an chet that loh chang pawhin Durant hian a hliahkhuh vek.

Cavs hian an rawn hnaih apiangin Durant hian amah mimalin an khingpuite hi a dang a, an defender te pawisa miah lovin a khawsa ta thin a ni. A pa lian a, a zuang sang bawk a, tuma tihbuai lohvin jump shot a nei hnem kher mai.

Cleveland tan LeBron James chu khel tha thin hle mahse a thian ten an thlawp tawk lo, Final game 5-ah pawh hian 41 points score-in 13 rebounds a la bawk a, assists vawi 8 lai a nei bawk. 3-0 series a ni a, 3-1 in Game 4 an rawn la ve. An rawn comeback mai dawn emaw ti an awm leh nawk hman a, mahse Warriors chuan nikum anga chetsual an duh tawh lova, hnehna an chang tlang ta a ni.

Team an chak hi chuan mimal tin hi an khel tha vek ni ber hian a lang a, Curry chuan 34 points a nei a, Andre Iguodala pawh a khel tha hle, 20 points a nei bawk. Langsar ber erawh Durant a ni a, MVP nih pawh hi a phu ngawih ngawih a ni.

Chak zo ta lo Celeveland tan JR Smith chuan 25 points a nei a, Kyire Irving chuan 26 points a nei bawk. Mahse LeBron James an tlawp zo ta lo a ni.