Japanese GP tlan zawh takah Honda rider Marc Marquez chu pakhatna niin Championship-a amah hnaihtu Rossi leh Lorenzo te chu an chesual bawk si nen, intlansiak vawi 3 la awm mahse Marquez chu 2016 Moto GP champion a ni ta a ni.

Japanese GP-ah hian lap 24 tlanin minute 42 leh second 34.610-ah Marquez hi a thleng a, amah hnaih bertu Andrea Dovizioso chuan 2.992secs in a phak lo, Japanese GP-ah hian Maverick Vinales chu pathumna a ni.

Kum 23 mi Honda rider Marquez hian Moto GP title 3 a la ta a, premier class-a vawi 3 champion thei naupang ber a ni bawk a ni. World title 5 a la ta a, 2010 khan 125cc-ah a champion a, 2012 khan Moto2-ah a champion leh a, Moto GP-ah 2013, 2014 leh 2016 khan a champion a ni.

"Rilru sawr bing kha a har lutuk a (Rossi leh Lorenzo an chetsual hnuah), Ka hlim hle a ni, ka team te nen kan hlim em em a ni," tiin Marquez chuan intlansiak zawhah a sawi a ni.

Marquez hian grid hmasa ber dawttu atangin bul a tan a, Rossi leh Lorenzo te chu a hmaah bul an tan. Lap linaah Marquez chuan hma a hruai tan a, lap 19 a la awm tihin turn 10-ah Rossi a chesual a, lap 5 a la awm tihin Lorenzo chu a chhuak leh ta bawk si a, Marquez chuan title a lak phah ta a ni.

Japan GP results

1. Marc Marquez (Spain) Honda 42:34.610

2. Andrea Dovizioso (Italy) Ducati 42:37.602

3. Maverick Vinales (Spain) Suzuki 42:38.714

4. Aleix Espargaro (Spain) Suzuki 42:39.336

5. Cal Crutchlow (Britain) Honda 42:49.659

Championship standings

1. Marc Marquez (Spain) Honda 273

2. Valentino Rossi (Italy) Yamaha 196

3. Jorge Lorenzo (Spain) Yamaha 182

4. Maverick Vinales (Spain) Suzuki 165

5. Dani Pedrosa (Spain) Honda 155

source : bbc