2016 hnu lamah Italian GP Monza-ah an la tlan leh thei angem ? tih chu zawhna lian tak a ni mek. FIA leh Italian GP contract hi chhunzawm a ni hrih dawn lova. Hei hi a chhan chu Monzo Circuit hian Ecclestone leh Formula One Management mamawh zat sum a thawk chhuak zo lo a ni ber mai.

Bernie Ecclestone chuan Italian GP hi tlan chhunzawm zel a nih theih nan hma lak an tum mek thu a sawi a. Gazetta Dello Sport in a tarlan dan chuan Imola chu Monza aiawh tura tih an tum mek a ni.

2006 thleng khan Imola hian San Marino Grand Prix a thleng thin a, hetah hian Italian GP nghah mai tum a ni ta a, Bernie Ecclestone chuan Grand Prix ropui tak hi neih chhunzawm zel a duh a ni.