29 Dec 2016 09:37

Inkhel

Mizo Sports Website hmasa ber

​2016 F1 Driver of the Season Hamilton

2016 season tlan zawhtakah BBC Sport-in mipuite chu ‘F1 Driver of the Season’ a thlan tir a, Lewis Hamilton chuan vote 38% hmuin Driver of the Season-ah thlan a ni.

Hamilton hi F1 Driver standing-ah a team-mate Nico Rosberg hnuai chiahah awmin, point 5 chiahin champion hi a phak lo, hetih lai hian pakhatna ni ngun ber erawh a ni a, mipui chuan Hamilton chu an thlang ta niin a lang.

Monaco-ah khan Hamilton hi a tlan tha tak zet a, Amah hnaih bertu Daniel Ricciardo kha lap 45 chhung zet a dang a nih kha. Ka intlansiakah khan tawnhriat a ngah tawh zia leh a thiamzia a lang chiang hle bawk.

Driver standing-ah Nico Rosberg-a’n point 385 neiin Standing-ah pakhatna a ni, mipui vote erawh 14% chiah a nei thung a, pathumna a ni pha awrh chauh. Tin, Driver standing-a pangana-na dinhmun luahtu Red Bull Racing driver Max Verstappen chuan mipui vote 37% hmuin Nico Rosberg a khum thung. Max hi a la naupang hle a, heti chung hian huaisen tak takin a tlan thin a, mipui lawm a hlawh hle nghe nghe a ni.

Mipui vote hmu hniam ber chu 2016 season champion Nico Rosberg a ni daih thung. Nico hi F1 racing khawvelah a vawikhat nan Formula One World Champion a ni. Kum 31 chauh la ni mahse a champion hnu lawk December ni 2 khan a chawlh thu a puang zui. Abu Dhabi Grand Prix kha a hun tawpna a ni ta a ni.