World Number one Serena Williams chuan 2015 Wimbledon final-ah 6-4 6-4 a Spanish Garbine Muguruza hnehin Wimbledon title 6-na a la ta a, 2003 hnuah Serena Slam kan hmu leh ta a, major title 4-te chu a kawl kim leh ta a ni.
Calendar year-a Grand Slam palina US Open chu thlaleh hian a khel leh dawn a, heta a champion leh a nih ngat phei chuan a career-a a vawi khat nan Calendar Year-a Grand Slam title 4 a lakna a thei dawn a ni.
Kum 33 mi American hian Centre Court-ah hian a tir lamah harsatna a tawk dawn emaw tih laiin tha takin a rawn khel chho leh a, 20th seed Garbine Muguruza hi darkar khat leh minute 23 chhungin a hneh hman a, Grand Slam title 21-na a la ta a ni.
Muguruza hi Grand Slam final a vawi khat khelhna niin, bul a tan chhelo hle a, 4-2 in hma a hruai ren rawn a, mahse Serena tharum a rawn lang chho leh ta a, 6-4 6-4 in Serena chu a chak ta tho tho a ni. "A tawp lamah khan inkhelh a harsa hle a, Garbine khan bul a rawn tha em em bawk a, mahse theih tawpa khelh that tumin ka thawk rim ta a nim" tiin Serena chuan an inkhelh chungchang a sawi a, Wibledon champion nih chu a ropui zia a sawi chhunzawm bawk.
Photo: HEATHCLIFFE O'MALLEY