​2015 German Cup Champions VfL Wolfsburg

31st May 2015, 07:05AM

DFB Pokal final khelh zawh a ni ta a, Wolfsburg chuan 3-1 in Borussia Dortmund an hneh a, Wolfsburg hian German Cup a vawi khat nan an chawi ve ta a ni.

Wolfsburg hian 1995 khan German Cup final an lut ve tawh a, khami tum khan 3-0 a Borussia Monchengladbach hneh lovin pahnihna an ni a. Wolfsburg champion karah hian Jurgen Klopp chu media te mit la ber pakhat a ni, ani hian 2008 atanga a enkawl Dortmund chu a kalsan ta a ni.

Dourtmund 1-3 Wolfsburg 

(Pierre-Emerick Aubameyang 5') ( Luiz Gustavo 22', Kevin de Bruyne 33', Bas Dost 38')

Dortmund : Langerak, Durm (Blaszczykowski - 68' ), Subotic, Hummels, Schmelzer, Gündogan, Kehl (Piszczek - 68' ) , Mkhitaryan, Kagawa, Reus (Immobile - 79' ), Aubameyang

VfL Wolfsburg : Benaglio, Vieirinha, Aparecido Rodrigues, Klose, Rodriguez, Arnold (Schürrle - 81' ), Luiz Gustavo, Perisic (Guilavogui - 74' ), De Bruyne, Caligiuri (Träsch - 85' ), Dost

Olympic Stadium-a inkhel hmuhnawm takah Dortmund chuan tan atanga minute 5 lekah Aubameyang hmangin goal an khung. He goal hi 22nd mins-ah Gustavo chuan Wolfsburg tan rulin, darkar chanve an khel tling vel chiah tihin box pawn atangin De Bruyne chuan kawh zetin a pet goal chhunzawm a. Rei an khel hman lo, 38th mins-ah Dost chuan tauh goal lehin, 3-1 in first half-ah Wolfsburg chuan hma an hruai ta der mai.

Dortmund hian na takin an nawr let nghal a, Kagawa chuan vawi hnih goal khung theih na chance tha zet a nei a, first half-ah goal post a pet per a, second half-ah box chhung atanga a shot chu Wolfsburg keeper Benaglio chuan tha zetin a lo dan sak a ni.

Wolfsburg keeper a che tha hle a, vawi engemaw zat goal tur a lo veng him. Hun tawp dawn minute 10 la awmin bench atangin World Cup winner Schurrle a rawn lut, a rawn che chhe nghal teuh hle a, penalty a chawi teuh hle. Dortmund an vanduai kan ti thei awm e, goal chance tam tak an hmu a, an ti goal thei lo. Hetih lai hian Wolfsburg hmatawng an hlauhawm thei hle a, De Bruyne a khel tha hle, tun season-ah goal 17 khungin, German Cup-ah goal hnih a khung ta bawk a. Caligiuri nen Wolfsburg chakna hnar an ni kan ti thei awm e.

Wolfsburg hi champion mahse Bundesliga-ah pahnihna an nih avangin season tharah Champions League an khel thei dawn a. Dortmund hi pahnihna ni mahse table-ah 7-na an ni a, Europa League an khel dawn ta thova, qualifying round atangin an khelh a ngai dawn ta a ni.

Copyright © inkhel.com 2024. All rights reserved.