Argentina forward Lionel Messi chu a vawi 5 nan FIFA Ballon d'Or winner a ni ta. Barcelona forward hian Ronaldo leh a team-mate Neymar-te khumin 2015 Ballon d'Or winner a ni ta a ni.
Messi hian Fifa player of the Year/Ballon d'Or award hlu tak hi 2009, 2010, 2011, 2012 leh 2015-ah te a la ta a. 2013 leh 2014 khan Real Madrid forward Cristiano Ronaldo chuan a la a, Messi chuan a vawi 5 ta a ni.
2015 kha Messi leh a club Barcelona tan chuan kum tha a ni a, Messi chuan a team Barca chu 2015 chhung khan La Liga, Champions League, Copa del Rey, Uefa Super Cup leh FIFA Club World Cup title a lakpui a. Messi hi Barcelona innghahna a ni tih khawvelin a hre chiang hle bawk.
2015 chhung khan Messi hian club leh ram tan game 61 atangin goal 52 a khung a. Assist vawi 26 a nei tling bawk. Barcelona tan game 53 atangin goal 48 a khung a. Assist vawi 23 lai a nei tling bawk a ni. December ni 31, 2015 zana Real Betis 4-0 a an hneh tum khan Messi hian Barcelona tan game 500 a khel tling chiah a. Goal khat a khung bawk avangin game 500 atangin goal 425 a khung ta a ni.
Messi hian Barcelona tan trophy 26 lai a la tawh a, Barca-a a khelh chhung hian League title 7, Champions League title 4, Copa del Rey 3, Spanish Super Cup 6, Uefa Super Cups 3 leh Club World Cup 3 a chawi tawh a ni.
Vote tlak dan :
1. Messi - 41.33%
2. Cristiano - 27.76%
3. Neymar - 7.86%
2015 chhunga Messi chet dan thlir letna :
1. Barcelona-ah a hlim lo tih thu leng vak chu Messi chuan a pha a, January thla chhungin game 5 atangin goal 8 a khung.
2. March thlaah Rayo lakah minute 11 chhungin hattrick a siam. 2014/15 season chhungin hattrick vawi 6 a siam tling chiah.
3. May thlaah Bayern Munich lamah ngei goal ropui a khung. He a goal hi Uefa best goal of the season atana thlan a ni. Hemi hnu ni 5-ah Atletico Madrid lamah goal khungin, La Liga title an la.
5. Champions League-a goal khung hnem ber ni thin Raul-a record chu Messi chuan a khum ta. Tin, Champions League title an lakna final match-a goal thum zingah Messi a inrawlh vek bawk.
6. July thla khan Copa America Final-ah a ram Argentina a hruai thleng. Mahse penalty-ah an chak lo hlauh.
7. August thlaah 2014/15 Uefa Best Player-a thlan a ni.
8. September thlaah Champions League-a game 100 khel thei naupang ber a ni.
9. November thlaah erawh a inhliam hlauh mai.
10. December thlaah a vawi 5 nan Fifa club World cup champion a ni.
11. December ni 31-ah Barcelona tan game 500 a khel tling.
2015 FIFA FIFPro World XI
Goalkeeper : Neuer,
Defenders : Silva, Marcelo, Ramos, Dani Alves
Midfielders : Iniesta, Luka Modric, Pogba
Forward : Neymar, Lionel Messi, Ronaldo
FIFA World coach Women's Football 2015
-Jill Ellis (USA)
FIFA World Coach Men's Football 2015
- Luis Enrique (Barcelona)
FIFA Fair Play Award 2015
Khawvela Football Association/Organisation zawng zawngte leh Football club zawng zawng (Raltlan nasa taka an puih hlawm avangin)
Fifa Puskas award 2015
Wendell Lira - Brazil (1.6 million vote a tla a) Video : Hetah
FIFA Women's World Player of the Year 2015
-Carli Lloyd (USA)