20 Nov 2020 10:30

bakteaJr.

Mizo tlangval

​2000 hnu lama piang footballer hlu zual te

CIES Football Observatory chuan footballer January thla ni 1, kum 2000 chin hnu lama piang hlut dan an chhuta, an zinga hlu ber hi $180m man anga chhut a ni.

CIES ho list siamah hian player sawm zinga pali te chu English player an ni a, mi tam takin hlu ber tura an rin Erling Haaland chu top 3-ah a lang pha lo.

Bayern Munich fullback Alphonso Davies chu CIES hian kum 2000 hnu lama piang footballer zinga hlu berah an dah a, English player zingah Jadon Sancho sang berin, Phil Foden chu Bukayo Saka aiin a hniam.

Top 3-ah Davies, Sancho leh Ansu Fati-te an awma, an hnuaiah Haaland awmin, Manchester United forward Mason Greenwood chu Haaland-a hnuai chiahah a awm.

Manchester City winger Ferran Torres chu paruknaah awmin, Arsenal rawlthar Saka chu Torres-a hnuaiah hian awmin, Juventus player Dejan Kulusevski chu pariatnaah a awm ve thung. Foden chu pakuanaah a langa, Real Madrid Rodrygo chu he sawmnaah dah a ni.

2000 hnu lama piang footballer hlu zual top 10:

  • 10. Rodrygo ($69.9 million)
  • 9. Phil Foden ($70.3 million)
  • 8. Dejan Kulusevski ($75.1 million)
  • 7. Bukayo Saka ($95.8 million)
  • 6. Ferran Torres ($106 million)
  • 5. Mason Greenwood ($115.3 million)
  • 4. Erling Haaland ($120.3 million)
  • 3. Ansu Fati ($122.7 million)
  • 2. Jadon Sancho ($125.6 million)
  • 1. Alphonso Davies (£180.4 million)