August ni 11 aṭanga khelh ṭan 1st Aijal Club Challenger Tennis League hi Mizoram Tennis Association din anih aṭanga League hmasa ber leh ropui ber chu zawhfel a ni dawn hnai a, final-ah Zarkawt Xenons leh K12 Acers an inhmachhawn dawn.

Final-a inhmachhawn tur team pahnih hian group match khelh zawh takah point 125 veve hmuin final an lut.

Zarkawt Xenons tan hian an rinrawl Jayesh Pungliya, Shweta Rana, T.Zonunsanga, Alex Rb, Amit Beniwal, Innocent Lalrindika-te final-ah an inlan leh a rinawm a, an captain B.Lalruattluanga team sert dan tur en a chakawm tawh hle.

K12 Acers tan hian Basil L Khuma, Joseph L Khuma, Vipul Mehta, Rishika Sunkara, Denga leh Mamawia-te an inlan veleh a rinawm bawk.

Final hi August ni 15 (vawiin) chawhnu dar li a khelh ṭan tur a ni a, Mizoram mipuite en turin Mizoram Tennis Association chuan an sawm.

Final hi a hmuna en lo tan Zonet Bawhbel leh Zonet HD-ah te live a pek chhuah a ni ang.

Reporter: Laltlanchhuaha Ralte