16th Sr Women National Boxing Championship 2015 Bongaigaon Assam a neihah Mizo Boxer pasarih telin, Boxer pahnih Vanlalduati leh Lalbuatsaihi ten final ah an khingpui hneh lo mahse Silver Medal pahnih an hlawh chhuak.
Final hi November 2, 2015 khan khelh zawh a ni a, Vanlalduati hian 54 kg-ah khelin, a khingpui Telangana Boxer a hneh lo a, Lalbuatsaihi hian 64 kg-ah khelin, a khingpui Railway Boxer a hneh lo ve bawk. Final-ah hian India Sports Minister S. Sonowal chu khuallian a ni.
A pumpuiah Champion team hi Railway an ni a, Gold Medal pa 6-an la a, Pahnihna chu Haryana niin, Gold Medal pa 3-an la thung. Pathumna hi Telanga team an ni a, Gold Medal 1-an la a, Palina hi Police team an ni a, Silver Medal pa 3-an la ve bawk a, pangana hi Mizoram team te an ni a, Silvar Medal pahnih an la ve bawk a ni. Best Boxer-ah hian Pwilao Basumatary (RSPB/ Asaam) chu thlan a ni.
Mizo Boxer tel te: 1.Lalenkawli 2.Vanlalduati 3.Dorothy, 4.Lalbuarsaihi 5.Faki 6.Abhisaki 7.Lalruatfeli