​14th MiMSA Racing Championship tan a ni dawn

21st September 2016, 07:09PM

September ni 22 atanga ni 24 chhung hian Tuirial Airfield-ah 14th MiMSA Racing Championship neih a ni dawn a, he event lian hi Motul-in a sponsor a, Mizoram State Sports Council Ruby Jubilee puala huaihawt a ni bawk.

He Championship-ah hian team hrang hrang atangin class 8-ah entry 114 lai a lut a. Hmun thumah then niin, hmuh hnih chu Novice Rider-te atanga lut a ni.

Aizawl pawn lam atang pawhin team an tel nawk a. Keifang Moto Club leh Lawngtlai Racing Team atangin rider engemaw zat an inziak lut a. Lunglei atang pawhin rider pathum an tel dawn bawk a ni. Ke hnih nei intlansiakah hian Tripura atangin pakhat a rawn tel dawn bawk a ni.

Championship-ah BR Racing chuan point an la hmu sang ber a, ARC chuan an dawt a. He Championship-ah hian category 8 awmin Expert class-ah class 5, Novice-ah class 3 awmin trophy leh prize money engemaw zat semchhuah a ni dawn a ni.

Ke li neiah hian class khat chiah a awm a. Entry erawh a hmuna tih tur a ni dawn a. Team Donny, Team Brotherhood leh Team Atom bakah State pawn lam atangin team engemaw zat lo tel tura beisei an ni. Tin, Private-a tel tur an awm nual dawn bawk a ni. 4 wheel race-ah hian race one leh race two a awm anga, chu ta lap time belhkhawm chu result siam nan hman a ni dawn. Double entry phal a ni dawn lova. Tin, Race one-a car hman chu race two-ah hman chhunzawm ngei ngei tur a ni bawk a ni.

Copyright © inkhel.com 2024. All rights reserved.