Champions League final : Juventus vs Real Madrid

04 Jun 2017

Juventus 1-4 Real Madrid

(Mandzukic 27') (Ronaldo 20', 64', Casemiro 61', Asensio 90' )

Match Report

Real Madrid an champion ta e

Goal : Asensio 90'

Juventus 1-4 Real Madrid

84 : Red Card - Cuadrado - Ramos a namthluk avangin referee chuan yellow card pahnihna a phawrh a, a hnawtchhuak.

81 mins : Ronaldo cross chu Bale chuan a ti goal tawh dawn emaw tih laiin Bonucci chuan a lo dang hman hlauh.

79 mins : Real Madrid-in an nawr chhunzawm zel, goal hlauhawm an nei zauh zauh.

Mual dinglam sir atanga Modrid cross tha zet chu Near post-a lo awm Ronaldo chuan chiang takin a pet goal ta a ni.

Goal : Ronaldo 64'

Juventus 1-3 Real Madrid

40 yards atangin Casemiro chuan kawh zetin a shot, Khedira chuan a lo dang kawi bawk nen, Buffon chuan a ban phak lo, bottom corner-ah mawi takin a thlawk lut a ni.

Goal : Casemiro 61'

Juventus 1-2 Real Madrid

54 mins : Box pawn atangin Modric chuan kawh zetin a shot, mahse Buffon zawnah tak a kal avangin goal hlauhawm erawh a ni lo.

53 mins : Khidera a tihtluk avangin referee chuan Kroos chu yellow card a pe

48 mins : Isco chuan free ball tha zet a um, a shot tep tih chuan Barzagli chuan a lo tackle hman hlauh.

Second half an tan leh ta e

Juventus 1-1 Real Madrid HT:

Shots: 8-5 

Possession: 47%-53% 

Chances created: 4-4 

Pass accuracy: 82%-92% 

Crosses: 11-6

Juventus 1-1 Real Madrid (HT)

(Mandzukic 27') (Ronaldo 20')

First half a zo a, 1-1 in an inhnehtawk

42 mins : Real Madrid-in an nawr ve, mahse chance hlauhawm an insiam hleithei lo.

37 mins : Juventus chuan corner an hlawhchhuak, Chiellini chuan tauh mahse a hlauhawm loh.

33 mins : Mual veilam sir atanga Isco cross tha zet chu far post-a lo awm Ronaldo chuan a tauh, mahse goal zawnah a kal lo chiang hle.

Mandzukic hian 2013 final-ah Dortmund lamah a khung a, 2017-ah Real Madrid lakah goal a khung leh a ni.

A va goal mawi em. Sandro cross chu Higuain chuan Mandzukic tan pein, ani hian ball kang chu mawi taka lain, a bicycle kick nghal, Navas a rep mawi hle.

Goal : Mandzukic 27'
Juventus 1-1 Real Madrid

Real Madrid chuan Champions League goal 500-na an khung ta bawk e.

Ronaldo hian Champions League-ah goal 104 a khung ta a, European Competition-ah goal 107 a khung ta bawk. Tun season Champions League-ah goal 11 a khung tling ta bawk a ni.

Box dinglam sir atanga Carvajal cross chu box chhung atang chuan Ronaldo chuan bottom corner-ah chiang takin a pet goal

Goal : Ronaldo 20'

Juventus 0-1 Real Madrid

18 mins : Benzema ball pek chu Ronaldo chuan tlanpuiin, shot a tum mek laiin Juve defender ten an lo tibuai hman.

Real Madrid midfield-ah Isco a tal mawi thin hle

Minute 15 an khel tling ta a, goal a la lut lo a ni.

12 mins : Yellow card hmasa ber - Dybala chuan Kroos a tihtluk avangin referee chuan yellow card a pe.

7 mins : Navas Save - Pjanic chian box pawn atangin a hlap, lei hrulah a goal tawh dawn emaw tih laiin Navas chuan a kut dinglamin a lo dang hman.

4 mins : Box pawn atanga Higuain shot chu Navas tan a hlauhawm teuh hle.

3. Mandzukic cross chu Higuain chuan tauhin, Navas tan hlauhawm a ni lo.

INKHEL TAN A NI TA E

Ian Rush chuan Champions League trophy a rawn chawi chhuak a.. Inkhel tan a ni tep e

Line up:

Credit : Whoscored.com

Real Madrid Subs: Casilla, Nacho, Bale, Kovacic, Asensio, Morata, Danilo

Juventus XI : Buffon; Barzagli, Chiellieni, Bonucci, Sandro; Pjanic, Khedira; Alves, Dybala, Mandzukic; Higuain.

Tun season Champions league-a chance siam hnem te :

-Toni Kroos (31) 

- Dani Alves (30) 

- Lucas Moura (25) 

- Neymar (25) 

- Koke (25).

Real Madrid XI vs. Juventus: Navas; Carvajal, Ramos, Varane, Marcelo; Kroos, Casemiro, Modric; Isco, Benzema, Ronaldo.

10:15 PM - Aizawlah chuan ruah a sur der mai. Tek a tla chho ang tih a hlauhawm. Karen a thim phei chuan aw....

"Ronaldo hi sports-ah chuan entawntlak a ni a, naupang leh puitling, football fans mai ni lo, sports ngaina zawng zawng tan pawha entawntlak a ni." - Buffon

"Alves kan lakluh hlim khan, 'Champions League engtin nge in champion theih? Min lo zirtir ve teh,' tiin thu ka va thawn a." - Buffon

Tunah hian dar 9:40 PM a ni a, Darkar 3 leh tlem a la awm. INKHEL LIVE BLOG lo chhiarte tan... zanlaia ei tur kha lam vat vat rawh u, dawr an inkhar hnuah chuan a buaithlak tawh thin.

Turin lamah pawh Big Screen-in an en dawn

Cardiff-a Millennium Stadium a inpeih ta zek zawk hle mai

BBC vs BBC

Juventus defender pathum Barzagli, Bonucci leh Chiellini te hian tun season Champions League-ah Clean sheets vawi 9 lai an nei a, goal 3 chiah an la chhuah.

Real Madrid pawhin hmatawng an nei tha, Bale, Benzema leh Cristiano te chu an goal khung khawl an ni a, tun season Champions League-ah Real Madrid hian goal 32 lai khung tawhin, anni team aia goal khung hnem an awm lo.

Champions League final khel hnem club te :

Real Madrid (15)

AC Milan (11)

Bayern (10)

Juventus (9)

Barcelona (8)

Liverpool (7)

Benfica (7)

Ronaldo tual chaina UCL :

2012/13 Champions League atanga goal khung hnem ber chu Ronaldo niin, goal 65 a khung tawh a, assist nei hnem ber pawh Ronaldo niin assists vawi 16 a nei tawh bawk.

Tun season UCL-a player thawh hnem ber chu France a ni

Tun season Champions League-a ram hrang hrang atanga player thawh hnem ber chu France an ni a, player 73 lai an thawh. Spain chuan dawtin, player 67 an thawh a, Brazil chuan player 64 an thawh a ni.

Tun season Champions League-a team tha pahnihte chu

Tun season Champions League-a final thleng tur ve hrim hrim niin an khelh dan atang hi chuan a lang a ni. Tun season Champions League-ah Juventus hi hneh loh la tawng lo awmchhun an ni a. Game 9 an chak a, game 3 an khingpui an inhnehtawkpui a ni. 2013/14 season-a Atletico Madrid-in hneh loh tawng lova final an luh hnua khatiang ti thei leh hmasa ber an ni.

Tun season Champions League game 12 an khelh atangin Juventus hian goal 3 chiah an chhuah a, hei hian an tlar hnung a phui that zia a lanchian tir hle. Hetih lai hian an khingpui tur Real Madrid erawh goal khung thei an ni a.

Tun season Champions League game 12 an khelh tawh atangin Real Madrid hian game tin goal an la khung ziah. Tun season Champions League-ah Real Madrid hian goal 32 lai an khung tawh a, attacking nei na ber an ni tih a chiang.

Allegri hian season 3 chhung Champions league final vawi 2 a lut ta a, Zidane erawh season 2 chhung champions league final vawi 2 a lut ta e.

Coach ten team an rem dan tur nia rin (An performance atanga tehin)

"Juventus ka pan dawn khan Barcelona hotute hnenah, 'min la ngai khawp dawn a nia,' tiin ka sawi." - Dani Alves

Real Madrid erawh European Cup/Champions League finals lut hnem ber niin, vawi 15 an lut a, anni dawttu chu AC Milan niin, Milan hian vawi 11 final an khel. Real Madrid hi vawi 11 an champion tawh a, champion hnem ber record an siam mek a ni.

Team hnihte lo inhmachhawn tawh dan

Real Madrid leh Juventus te hi vawi 19 inhmachhawn tawhin, vawi 8 ve ve hnehna an chang a, vawi hnih an inhnehtawk. Juventus hian European Cup/Champions League finals vawi 8 khel tawhin, vawi hnih chiah an la champion a, kum 1997, 1998, 2003 leh 2015 khan an tlawm.

Team hnihte lo inhmachhawn tawh dan

Team hnihte hi European Cup/Champions League-ah vawi 19 lai an lo inhmachhawn tawh a. Champions League khel ngun an nih avangin an inhmachhawn hnem malh malh hle, team hnih inhmachhawn hnem ber chu Real Madrid leh Bayern Munich niin, anni hi vawi 24 lai European Cup/Champions League-ah an inhmachhawn tawh a ni.

Cristiano Ronaldo hian season 6 a zawnin Champions League-ah goal 10 aia tam a khung ziah.

India ram atang chuan Ten 1HD leh Ten2-ah a en theih ang.

Zanin dar 12:15 hian Real Madrid leh Juventus te chuan 2016/17 UEFA Champions League Final chu Cardiff-ah an khel dawn.