2016 European Football Transfer Deadline Day

31 Aug 2016

Manchester United chuan kum 22 mi Brazilian right back Fabiano chu Monaco atangin lak chhuah an tum mek niin Skysports chuan a tarlang.

David Luiz chu London-ah hmuh a ni a, Chelsea a zawm dawn chiang ta e.

Islam Slimani chuan Leicester City-ah medical a nei zo ta e, contract ziah chauh a hmabak ta

Juan Cuadrado chuan kum 2019 thleng Juventus-ah cham a tum chiang ta.

Nasri pawhin Sevilla tan a ziak fel ta e.

Liverpool defender Andre Wisdom chuan loan-in FC Red Bull Salzburg a zawm fel ta.

Jack Wilshere chuan medical nei turin Bournemouth a pan ta e.

Chelsea player thar Marcos Alonso Mendoza hi left back-a chhawr thin ni mahse midfield-ah pawh a chhawr theih bawk a, 6ft 2in-a sang niin, Real Madrid academy chhuak a ni.

Kum 25 mi niin English club-ah pawh a lo khel kual tawh a, 2013-16 chhung khan Fiorentina tan game 57 a khel tling a ni.

Jose Mourinho a la duhtawk lo

Manchester United chuan transfer deadline-ah player pakhat emaw lak an la tum niin The Sun chuan a tarlang. Jose Mourinho Eric Bailly, Zlatan Ibrahimovic, Henrikh Mkhitaryan leh Pogba a lak hnuah pawh squad tih chakna tur centra-half a la melh niin The Sun chuan a tarlang.

Transfer deadline day-ah hian United chu reh vung vung angin lang mahse chanchinthar an la rawn nei thut dawn niin The Sun chuan a tarlang.

Ka tan chuan Chelsea zawm hi hmasawnna nasa tak a ni, title hlawhchhuah theihna chance tha tak ka nei dawn e - Marcos Alonso (Chelsea player thar)

Juan Cuadrado chuan loan-in Juventus a zawm dawn niin Skysports chuan a tarlang.

Jack Wilshere chuan loan-in Bournemouth a zawm dawn ta

England team-ah hmun a chang tawh lo, tun season Premier League-ah pawh Arsene Wenger chuan a chhawr tam lo hle, kum 24 English midfielder hi talent nei tha tak a nih laiin inhliam avangin rei tak tak a chawlh bakah amah a invawng lo thin.

Permanent-a Arsenal chhuahsan ai chuan loan-a chhuah a thlang zawk niin a lang. 

Jack Wilshere chuan loan-in Bournemouth a zawm dawn ta niin Mirror chuan a tarlang.

Eliaquim Mangala chuan Valencia a zawm ta.

Marcos Alonso chuan Chelsea a pan ta

Fiorentina midfielder (left back-ah pawh a chhawr theih) Marcos Alonso chuan Chelsea a pan ta. Kum 25 mi Spanish footballer hi Chelsea chuan £23million velin Fiorentina atangin an lei chhuak niin Mail chuan a tarlang.

Moussa Sissoko kalna tur a la hriat loh

Tottenham-in Moussa Sissoko duh hle mahse Newcastle United-in a man an chhiar zat 30 million pound chu Spurs hian pek theih an inring lo.

Wales striker Hal Robson-Kanu chuan West Brom-ah medical a nei dawn niin Skysports chuan a tarlang.

Robson-Kanu hian Euro 2016-ah Wales tan ropui takin a khel a, West Brom chuan an lei dawn ta niin a lang.

Stoke City chuan Porto atangin Bruno Martins chu loan-in an lalut fel ta.

Burnley chuan an club record transfer fee an khum ta tlat mai. Irish midfielder kum 24 mi chu Derby atangin 10.5 million pound-in an lalut fel ta.

Islam Slimani chuan Leicester City-ah medical a nei dawn ta e. Leicester City fans tan chuan thu lawmawm tak a ni chiang e.

Sunderland chuan Lorient midfielder Didier Ndong chu kum 5 chhung atan 13 million pound-in an la lut fel ta.

David Moyes-a'n Ulloa a ngaihven mek

Sunderland chuan Leicester City striker Ulloa chu ngawrh takin an rim mek niin Mirror chuan a tarlang.

Serge Gnabry, "Inkhelh tam ka duh avangin Bremen hi ka pan a ni".

David Luiz chuan Chelsea a pan mek?

David Luiz chuan Chelsea a pan dawn ta niin a lang, rel-ah a chuan thu PSG lamin an tarlang a, Paris atanga hnaite Londo chu train hmangin a pan mek niin media te chuan an tarlang nghal.

BREAKING NEWS : Duran Cup-a Aizawl FC match hnihna chu cancelled a ni.

Aizawl FC hian vawiin tlai khan Real Kashmir hmachhawn tur ni mahse naktukah sawn a ni ta a. Ambedkar Stadium-ah dar 9:30 AM -ah Aizawl FC hian match an nei dawn a ni.

Christian Atsu chuan Chelsea atangin loan-in Championship club Newcastle United a zawm fel ta.

Nasri chuan loan-in Sevilla a pan ta

Samir Nasri chuan Manchester City atangin loan-in La Liga club Sevilla a zawm fel ta. Nasri hian twitter-ah, "Kum 5 chhung teh meuh mai hun ka hmanna fan-te chungah lawmthu ka sawi a, season hun duhawm tak in hman theih nan duhsakna ka hlan bawk che u a ni," tiin a tarlang bawk a ni.

Nice-ah Balotelli

Liverpool striker Mario Balotelli chuan Ligue 1 club Nice-ah medical a nei dawn ta niin Mirror chuan a tarlang.

Stamford Bridge-ah Fabregas a cham dawn?

AC Milan-in ngaiven mahse Fabregas chuan Chelsea a chhuahsan dawn lo niin Skysports chuan a tarlang.

Bony hian hun rei zawk atan loan-in Stoke City hi a zawm a ni.

Stoke City chuan Manchester City striker Wilfried Bony chu an lalut fel ta.

Schneiderlin Tottenham lamah?

Manchester United midfielder Morgan Schneiderlin chu Tottenham Mauricio Pochettino-a'n lakluh a tum.

Paul Pogba, Fellaini leh Carrick te an awm avangin United-ah hmun a chan vak a rinawm tawh lova, Schneiderlin leh Pochettino te hi Southampton-ah an lo inhrawn tawh a nih kha.

Hetihlai hian Jose Mourinho chuan player lakluh emaw hralh tum a neih tawh loh thu alo sawi ve bawk a, Schneiderlin hian United chhuahsan a duh miau chuan Tottenham lam hi a pan mai a rinawm hle bawk a ni.

Chelsea-in David Luiz lak kir an tum lehna kawng a ping chho mek, Chelsea-in an defender hlui Luiz lei let leh an dilna chu PSG chu an hnawl. Source : Squawka

Besiktas leh Nasri sawi zawm mek a ni.

West Ham an hneh tumin tha takin khel mahse season tharah hian Pep Guardiola-a hnuaiah hmun a chang dawn lo tih a chiang tawh. Kum 29 mi Nasri chuan amah ngaihventu Sevilla emaw Besiktas emaw a pan mai a ngai dawn ta niin a lang.

Wilfired Bony pawh Pep Guardiola player mamawh loh zingah a tel a, BBC Sports chuan Stoek City nen inbiakna an nei mek niin a tarlang. Ivorian striker hian ropui takin Swansea tan khel mahse City a pan hnuah khelhna hmun a chang pha meuh lo a, Aguero a nekchhuak zo lo. City rawlthar striker Kelechi Iheanacho-a'n player tha a nihzia a pholang mek a, Pep chuan Bony aiin Iheanacho a duh zawk bawk. Bony tan a khelh phakna zawn mai a ngai ta a ni.

Mangala Valencia-ah :

Manchester City defender Eliaquim Mangala chuan Valencia a zawm dawn.

Mangala hi a club hlui Porto lam pawhin sawm mahse La Liga club Valencia hi loan in a zawm dawn ta zawk a ni.

Sporting Lisbon-in Slimani chhuah an phalsak

Islam Slimani chu a club Lisbon chuan club chhuahsan an phalsak. Algerian forward hian Leicester City a pan dawn nia sawi mek a ni.

(Nichin khan Celtic kan rawn ti nulh a, member-ten min lo hrethiam dawn nia, kan hmanhmawh deuh a, a jersey kan en khan a ni emaw kan ti thut alawm mawle)

Isco chuan Tottenham a zawm dawn lo

Skysports in a tarlan dan chuan Tottenham nena sawi zawm mek Real Madrid attacking midfielder Isco chuan Spurs a zawm dawn lo

Turkish club Besiktas chuan Atınç Nukan, Caner Erkin leh Gökhan İnler te chu an lalut fel ta e.

Fulham chuan free agent ni mek Emmanuel Adebayor chu inbiakna an neihpui mek.

Chennaiyin FC chuan Hero ISL 2016 atan Zakeer Mundampara chu an lalut leh ta.

Italian chanchinbute chuan Juventus-in Belgian midfielder Axel Witsel an lalut dawn niin an chuaih leh ta chuai chuai mai. TuttoSport chanchinbu chuan Witsel hi Italy lama hmuh a nih thu an tarlang nghe nghe. Zenit tana khel mek Witsel hi tunlai midfielder tha ber awl a ni a, English club Everton leh Stoke-ten nen pawh sawizawm a ni tawh bawk

Besiktas-ah Leicester City midfielder a lut

Besiktas chuan Leicester City central midfielder Gökhan Inler chu a la fel ta a, kum 3 chhung atan Gokhan hian Besiktas tan contract a ziak.

Derby goalkeeper Lee chuan Stoke City-ah Medical a nei dawn e

Bremen lamah Gnabry

Serge Gnabry pawhin Arsenal a chhuahsan fel dawn ta. Serge Gnabry hian Werder Bremen a zawm dawn ta a ni.

Torino chuan Hart an phochhuak ta

Manchester City goalkeeper Joe Hart chuan ram pawna eizawn a tum lo nia a lan hnuah Italian Club Torino a zawm fel ta a, mipui hmaah a jersey nen phochhuah a ni ta a ni.

Jones-a dinhmun a chianglo?

Chelsea, Arsenal, Tottenham leh Leicester City te chu Man Utd defender Phil Jones lakluh duh tu ten an niin a lang.

Jones hian hliam neuh neuh a neih reng avangin January thla hnuah khan United tan game ala khel leh miah lova, Jose Mourinho hian a hmelma club te ah chhuahtir a tumloh hmel hle a ni.

Article : Player 10 lai Transfer deadline day-a chesawn tura rinte

amahah hian click la, post-ah a hruai lut ang che.

Sissoko-a'n Arsenal emaw Tottenham a pan dawn?

Newcaslte United midfielder Sissoko chu transfer chungchang buaipui turin French training camp chhuahsan phaksak a ni

Sissoko hi London club pahnih Arsenal leh Tottenham te nen a sawizawm mek a ni.

Arsenal midfielder jack Wilshere hian Crystal Palace nge Bournemout a zawm zawk dawn tih hi tun dinhmuna news ngaihven ber pawl a ni rih e.

Arsenal hian loan-in Wilshere hi chhuah tir an phal a, vawiin hian engkim tihfel vek a ngai tawh dawn a ni.

Balotelli chuan NICE a pan dawn?

Manchester City atanga pet chhuah a nih hnu khan Balotelli hian hniam lam a pan mek zel a, AC Milan tan loan-in khel mahse loan hun a zawh hnuah Liverpool-ah a kir leh. Liverpool manager Klopp chuan fit taka a awm hnuah Liverpool chhuahsan mai turin a ti. A hlawh a tam si a, chuvang chuan amah awt tak tak pawhin an la ngam lo. Italy club lamah a kal leh mai dawn nia sawi a ni. Palermo supporter-te chuan Balotelli hi an duh thu an sawi a, Nice lam pawh a pan thut thei reng bawk a ni. BBC chuan France lamah a hmel hmuh a nih thu a sawi tlat mai, Nice lam a pan ngei dawn niin a lang.

Leicester City chuan £29.7m in Sporting Lisbon forward Islam Slimani an lalut dawn.

£25m a an indawrna Lisbon lamin an lo hnawlsak hnuah Slimani man chungchangah hian club pahnih te an inrem ta a ni.

Season kalta khan Slimani hian goal 27 lai Lisbon tan a thun a, vawiin hian medical leh thil tul dang te an tifel ang.

James McCarthy (Everton)

Everton manager Ronald Koeman chuan kum 25 mi Republic of Ireland midfielder hi zawrh lai a nih loh thu sawi sawi mahse Toffees chuan Moussa Sissoko leh Kone an ngaihven ve reng avangin £20m vela club dang dilna hi an hnar phal a rinawm loh. James McCarthy hi Crystal Palace, Sunderland, Newcastle United leh Leicester City-ten an ngaihven mek a ni.

Tun nipui bazar chu Manchester United an tal na hle a, World Class player pahnih Zlatan Ibrahimovic leh Paul Pogba te an lalut a, Pogba phei chu khawvela footballer man to ber a ni nghe nghe.

Manchester City pawhin English defender John Stones chu £47.5million laiin Everton atangin an lei bawk a. League dangah pawh transfer lian tham a thleng nual, Juventus chuan Napoli atangin £75million in Gonzalo Higuain an lalut a, Real Madrid pawhin an striker Alvaro Morata an lakir leh tawh bawk.

2015 transfer window-ah khan Premier League club-te chuan £859m vel player lei nan an hmang a.

Kuminah erawh broadcasting deal thar sum tam tak club ten an dawn dawn avangin English Premier League an che na salh salh hle mai.

English Top Flight club-te chuan player thar lei nan £800million chuang an seng tawh a, £1billion an hawlh kai rawk dawn chiang niin a lang.

Transfer deadline day kan thleng leh ta reng mai. July ni 1, 2016 khan European Football Summer Transfer window hawn a ni a. Nikum kha chuan transfer window khar hun a inang lo nuai a nih kha, kuminah erawh August ni 31 zanlaiah khar a ni vek dawn a.

Premier League-ah chuan zanlai dar 11:30 PM-ah transfer window khar a ni dawn a. India sanaah chuan naktuk zing dar 4-ah khar a ni ang.