Football Transfer Deadline

02 Sep 2015

Aaron Lenon chuan Tottenham chhuahsanin Everton kum 3 atan a zawm ta.

Nikum nipui bazarah khan English Premier League club-te player leina man belhkhawm chu £835m a ni a, kuminah £835m a ni ta. An hmang hnem thei rem rem hle mai.

Manchester United chuan teenager man to ber ni turin Anthony Martial chu Monaco atangin an lei, French 7th division Co Les Ulis chuan €600k an hlawh ve tlat, Martial man atanga 0.75% a ni a, Martial club hlui hian performance fee vangin €600k an hlawh tlat mai.

Michael Hector chu a khawngaihthlak hle mai, a naupan lai atanga Chelsea tan em em thin a ni a, Reading atangin Chelsea a zawm, mahse tunah chuan Reading-ah an thawn kir leh ta.

Player thar an lakluh loh avangin Arsenal fans te an lungawilo hle a, Emirates Stadium bulah an pungkhawm

Tansfer Window chu khar a ni ta a, mahse club pahnih te player chungchangah inremna an neih hman chuan transfer window khar tawh ni mahse paperwork vel tihfel nan darkar 2 hun an la nei..

Chanchin thar ala rawn awm chho zel ang.

Chelsea chuan kum 23-a upa Michael Hector chu Reading atangin an lalut.

Defender an lakluh thar Hector hian loan hian Reading-ah hian a khel chhunzawm dawn a, Chelsea hian player 32 lai chu loan-in an khelh chhuah tir mek ta ani.

Transfer Window an khar dawn hnai ta tak tak e.. Arsene Wenger erawhin thawm ala rawn neilo tluang zel..

ESPN lamin an tarlan danah chuan Man Utd-in Reus lakluh an tum niin an tarlang.

Borussia Dortmund lamah Adnan Januzaj chu loan in United hian an chhuah tir a, Reus an beisei let niin a lang a ni.

United hian Reus hi £50m in lakluh an tum niin an sawi a, mahse Dortmund hian £60m vel an chhiar niin an sawi bawk.

Hemi vang hian Reus chungchang hi United hian an tawpsan ta niin an sawi a ni.

Manchester United chuan Anthony Martial an lalut fel ta a, kum 4 daih contract an ziahpui bakah United hian an duh a nih chuan kum 1 dang pawh contract an pawhsei sak thei dawn a ni.

Martial hian United a zawm ta chu a lawm thu sawiin Premier League a khelh a chak thin thu a sawi a, a team-mate te nen a hun hman thuai thuai a chak tawh thu a sawi bawk.

Tottenham-in lakluh an tum Berahino chu a club khelh mekna West Brom lakah a lungawilo hle a, twitter lamah thlengin a lungawilohna hi a ti lang a ni.

Darkar khat chiah a awm ta

BREAKING NEWS : Tottenham chuan a vawi 4 nan Berahino lachhuak turin West Brom an dawr leh ta !! (Source : Skysports)

Aston Villa chuan West Brom atangin Lescott an la fel ta a, kum hnih chhung atan Lescott hian Villa-ah contract a ziak ta a ni.

West Brom chuan a vawi thum nan Spurs an hnawl leh ta, Spurs hian Saido Berahino lei an tum, Berahino pawh hian club hotute hnenah chhuah a dil hial a nih kha, mahse West Brom chuan Spurs hi an hnar tlang dawn ta niin a lang.

Sky Sports lamin an tarln danah chuan Chelsea-in tum hnih lai PSG defender Marquinhhos lakluh an tumna chu hnawlsak an ni tawh.

Hun tlemte ala awm a, Chelsea hian PSG hi an dawr leh dawn niin an sawi.

England lamah chuan transfer window khar nan darkar 1 leh min 30 chiah a awm ta.

Vawiin nileng khan Transfer tam tak a thleng hman a, Live text kan neihna hi user te tan a rih palh kan hlauh avangin Live text thar kan rawn siam lehnghal e.. vawiina Transfer Live text la chhiar lo tan kimchang takin : HETAH

Manchester United chuan chuan kum 19 mi French forward Anthony Martial an la dawn tih thuthang a awm lai khan United Captain ber Wayne Rooney chuan Anthony Martial hi a lo la hre ve hauh lo chu niin, French midfielder Morgan Schneiderlin hnenah Martial chu tu nge a nih ? tiin a zawt heu mai.

Monaco leh Manchester United te chu Martial manah £36million -in an inrem tawh a, transfer hun hi zanin hian a tawp dawn, zanin hian Martial chu Manchester United striker a nih thu kan hre hman dawn a ni.