2015 Copa America Final : Argentina vs Chile

05 Jul 2015

Chile player te lawmin an inbawr khawm

Higuain : a pet over mai pawh a ni lo, Tournament a pet khum tih ang vel khawpa sangin penalty a pet over

2015 Copa America Champions Chile

Hun pangai 90 mins chhungin goal a lut lo, extra time minute 30 khelh hnu pawhin goal a lut chuang lo. Penalty shoot out hmanga chak zawk zawn a ni a, 4-1 in Chile chuan hnehna an chang ta a ni.

A vawi khat nan Chile chu Copa America Champions an ni a, penalty shoot out-ah hian Argentina atangin Higuain chuan a pet over a, Banega pet chu Bravo chuan a lo save sak bawk a, Chile atanga penalty pet erawhin an pet goal vek, 4-1 in Chile chuan hnehna an chang ta a ni.

2015 Copa America champions chile

Sanchez : Goallll... Chile an chak taaaa

Chile 4-1 Argentina

Banega : Bravo chuan a save eeee....

Chile 3-1 Argentina

Aranguiz : A goal chiang hle

Chile 3-1 Argentina

Higuain : A pet over hlauh mai.. a va over sang rem rem ve mawle

Chile 2-1 Argentina

Vidal : Romero chuan a dang teuh hle mai, mahse a goal ta tho.

Chile 2-1 Argentina

Messi : A goal chiang e. Keeper vei lam lei hrulah.

Chile 1-1 Argentina

Penalty

Fernandez A goal chiang hle mai. (Chile)

Chile 1-0 Argentina

Zing dar 4:10 a ri chiah mai. Khua pawh a eng ta uar mai le. Penalty an pet dawn, an pet zawh chuan khua a var tak tak tawh dawn a ni.

Argentina 0-0 Chile (Extra time-ah pawh chak zawk an la awm lo, Penalty shootout hmanga chak zawk zawn a ngai dawn ta)

Hmeichhe world cup lamah England chuan si khat faiin Germany an hneh. England chu pathumna an ni ta.

115 mins : Penalty ?

Higuain ball ta zet chu Lavezzi chuan box chhungah a um lut a, Chile defender te chuan an lo ti tlu ? Mahse referee chuan penalty hamna tur niin a hre lo.

03:51 AM IST - Extra time 2nd Half an tan leh ta chiah e

Argentina 0-0 Chile (Extra Time HT)

110 mins : Sanchez Chance

a va goal teuh rem rem ve mawle.. Sanchez chuan free ball a um, Manscherano chuan alo pet thelh, Zabaleta a tlan let chak hlauh a, Sanchez a tibuai hman. Sanchez hian a pet over hlauh a ni.

95 mins : Henriquez IN, Vargas OUT (Chile)

92 mins : Isla Yellow card (Banega a tih tluk vangin)

03: 33 AM IST - Extra time first half tan a ni leh ta e

Argentina 0-0 Chile (Hun pangai a zova, Extra time khelh a ni dawn)

91 mins : Higuain Chance

A va goal teuh em em ve mawle. Messi hmangin Argentina chuan counter attack an nei a, mual vei lamah Lavezzi a pe, Lavezzi hian far post-ah lei hrulah a cross leh a, mahse Higuain chuan angle a tawt tawh em avagin a pet goal thei ta lo a ni.

87 mins : Aranguiz yellow card (Chile)

85 mins : Goal Loo.. Offside

Messi ball pek tha zet chu Lavezzi chuan dawngin a pet goal chhunzawm. Mahse a offside hlauh mai.

82 mins :A va goal teuh ve

 Sanchez chuan box chhungah ball tha zet a dawng, a volley nghal, mahse a out chiah chiah. A va goal teuh em....

80 mins : Banega IN, Pastore OUT (Argentina)

76 mins : Penalty ?

Vidal chuan box chhungah ball a chang a, Demichellis leh Rojo te chuan an chilh rawn, a thal, mahse referee chuan penalty pekna chiah a ngai lo.

74 mins : Valdvia OUT, Fernandez IN (Chile)

74 mins : Higuain IN, Aguero OUT (Argentina)

73 mins : Vidal a rawn tlan lut leh e.. a dam e. Argentina chuan Higuain an luh tir dawn niin a lang.

70 mins : Vidal a inhliam tlat mai. Lakchhuah a ni a, a chhunzawm thei dawn em ?

66 mins : Mual dinglam sir atangin Sanchez chuan ball tha tak Vidal tan a vawrh a, box chhunga lo awm Vidal chuan dawngin, a shot chhunzawm nghal. Mahse Argentina tan Zabaleta a lo in kham hman, Zabaleta chuan Argentina a chhanhim a ni.

58 mins : Argentina chuan an corner vawi thumna goal-ah an chantir teuh hle, Otamendi chuan tauh fuhin, mahse a out chiah chiah a ni.

Rojo hian Isla a tackle vangin yellow card a chawi a, hemi hnu lawk hian Mascherano chuan a bana ball a lo dan avangin referee chuan yellow card a pe ve leh a ni.

55 mins : Yellow card

Rojo & Mascherano

46 mins : Second half tan a ni chiah a, Otamendi a chesual teuh hle, a ball hloh chu Sanchez chuan changin mual dinglam sir atangin a cross a, Vidal chuan tauhin, Romero tan erawh harsatna a siam lo.

Second half tan a ni leh ta chiah e.

Argentina 0-0 Chile (HT)

45 mins : Box chhung atanga Lavezzi shot tha zet chu Bravo chuan a lo dang hman hram a ni.

First half Minute 20-a Aguero tauh Bravo save lai

Hei zet chu.. 

34 mins : Yellow card Medel

Messi a pet avangin Medel chuan yellow card a chawi.

Darkar chanve chhung chauh Di Maria chuan Final a khel hman, ball chak taka thui tak a tlanpui hnuin a hamstring a tina ta palh a ni.

29 mins : Di Maria OUT, Lavezzi IN

Argentina tan chuan channa a ni e, Di Maria chu hamstring hliam vangin lakchhuah a ni a, Lavezzi dauh luh a ni.

Chile forward Sanchez chu Argentina player ten an um

24 mins : Yellow card hmasa ber kan hmu. Di Maria a pawh thluk avangin Silva chuan yellow card a chawi.

23 mins : Vargas chuan through ball tha tak a um a, mahse Mascherano chuan box chhung a thlen chuan a rawn hnaih chilh hman, Vargas chuan a shot ta a, a over chiang hle.

20 mins : Aguero Chance

Zabaleta free kick hlawh chhuah chu box pawn dinglam sir atangin Messi chuan a pet a, 6 yard box a awm Aguero chuan tha zetin a tauh, mahse Chile goalkeeper Bravo chuan ropui takin a lo dang. Kha kha chu goal theihna chance a ni tlat mai.

15 mins : Minute 15 an khel tling ta a, Chile lamin an nawr na hle, Vidal chuan shot on target vawi khat a nei tawh. Inkhel hmuhnawm tak a ni.

11 mins : Vidal Chance - 

Mual veilam sir atanga Sanchez cross tha zet chu Argentina defender ten an lo dang a, hemi per hi Vidal chuan a kei vei lamin a volley, goal zawnah kal mahse Argentina goalkeeper Romero chuan a lo dang hman.

10 mins : Shot hmasa ber kan hmu ta e, box pawn atangin Vargas chuan lei hrulah a shot, mahse a out hlauh mai. 

6 mins : Messi ball pek tha zet chu box chhungah Aguero chuan umin, a pet goal dawn emaw tih tawhah Chile defender ten an lo dang hman.

5 mins : Box veilam sir atangin Di Maria chuan a cross a, mahse duh aiin a sang hret. Goal attemp a la awm lo.

2 mins : Mual dinglam sir atangin Sanchez chuan a cross, a laiah Vargas chuan lo chang mahse Argentina goalkeeper Romero chuan awlsam takin a lo man.

Match an tan chiah e : 15'C a ni a, a lum lem lo, mahse duhthusam a ni e inkhelh nan chuan

Final kalkawng

Hnam hla an sa zo chiah a.. inkhel an tan dawn ta

Kum 22 liamta khan Argentina hi Copa America-ah an lo champion tawh. Chile erawh an la champion lo.

Khai le khai le.. an rawn chhuak ta e...

India ram chhunga awmte tan.. Sony Six HD leh Sony Kix ten Live-in an pe chhuak reng e.

Copa América 2015-a goal thun tam te:

Eduardo Vargas (4) 

Paolo Guerrero (4) 

Sergio Agüero (3) 

Lucas Barrios (3) 

Arturo Vidal (3)

Zanin Copa America Final khel tur ram pahnih stats

source : whoscored.com

Hei le, CUP ropui tak chu, tu zawk hian nge chawi ang ?

Messi warm up lai

Argentina vs Chile (Line Up)

Argentina XI : Argentina: Romero, Zabaleta, Demichelis, Otamendi, Rojo, Biglia, Mascherano, Pastore, Messi, Aguero, Di Maria

Chile XI : Chile: Bravo, Isla, Silva, Medel, Beausejour, Aranguiz, Diaz, Vidal, Valdivia, Sanchez, Vargas 

1999 Copa-America kha han ngaihtuah let teh le. I la hre thei em? Japan leh Mexico an tel ve tlat tum kha. Japan hi AFC hnuai ami anni a, Mexico pawh CONCACAF hnuai ami. Mahse, Copa America khel turin an sawm a, an khel ve ta anih kha. Kha mi tum khan Ronaldo leh Rivaldo te 'magic' hmangin Brazil in Nomawi an chawi anih kha.

Kha Copa ah khan Japan hian vawi khat draw neiin vawi 2 an tlawm a, an tla hlawm tawp a, Mexico erawh Grp stage an pel thung. Uruguay hi champion ngun ber niin vawi 15 an champ tawh a. Zanin a Argentina in Chile an hneh chuan Uruguay champ zat an champ dawn. Thei tak maw. An khel tep e.

Pic : Japan Team(1999)