Football Transfer News

02 Jul 2015

2010-2011 season atanga tehin Robin van Persie hian Premier League-ah goal 96 a khung tawh.

Man Utd ka zawm lo kha ka inchhir - Riquelme

Midfielder tha an sawi apianga a hming an sawi tel ve thin Argentine midfielder Juan Roman Riquelme chuan Football a khelh chhungin inchhirna pakhat chiah a neih thu sawiin, Man Utd sawmna a hnar kha a la inchhir reng thu a sawi a ni.

UCL Semi final an khelh hma khan London-ah United mi leh sa ten Riquelme hi an inhmu a, khami chungchang kha sawi chhuakin,

"Football ka khelh chhungin inchhirna pakhat chiah ka nei. Arsenal nen semi final kan khelh hmain London Hotel-ah Manchester United chuan lei tumin min rawn dawr a,..

kimchangin hetah

Saints boss Ronald Koeman chuan Manchester United in an midfielder Morgan Schneiderlin lei an an dil tih sawiin hnawl a nih thu a sawi bawk.

BBC Radio Solent ah Koeman chuan kar hnih liamta khan United in lei min rawn dil ngeia, amaherawhchu min dawrna ah kan beisei ang a la pha hrih lo a ni tiin a sawi. Vawiinni thlengin United an rawn lang leh tawh hrih lo a ti bawk.

kimchangin : hetah

Firmino-a'n Liverpool medical a paltlang

Copa America atanga an tlak hnuah Brazil player te chuan Sao Paulo-ah chawlh an hmang mek a, Copa America an khelh laia Liverpool zawm Firmino chu thawhtanni khan Liverpool medical a paltlang ta a ni.

Hoffenheim atangin £29million-in Liverpool chuan an lei chhuak a, Reds doctor Andy Massey chu South America-ah Firmino medical nei turin a thlawk thla vang vang, zirtawpni leh inrinni liamta khan test ngai zawng zawng test a nih hnuah tawhtanni khan Liverpool Echo chuan Firmino hian medical a paltlang thu a tarlang ta a ni.

kimchangin : hetah

Claudio Marchisio chuan kum 5 dang Juventus-ah contract a ziak thar leh ta.

Juventus midfielder Pirlo chuan New York City FC a zawm ta.

AS-in a tarlan danin Real Madrid goalkeeper Iker Casillas chuan Porto a zawm dawn ta.

Arsenal-in Higuain manah £42.7m thehchhuak dawn ?

Arsene Wenger chuan Real Madrid atang tawha a um tawh Argentine striker Gonzalo Higuain chu Napoli atangin £42.7m laiin a lei dawn niin Metro chuan a tarlang.

Kimchangin: Hetah

Liverpool chuan £32.5m-in Benteke an chang dawn ta ?

Brendan Rodgers chuan Belgian striker Christian Benteke chu Aston Villa atangin buy-out clause nen £32.5m in a lei dawn ta niin express chuan a tarlang.

Kimchangin: Hetah 

Tottenham chuan £11.5m in Belgian defender Toby Alderweireld chu an chang dawn ta niin a lang, British media te chuan vawiin hian Toby Alderweireld hian Tottenham-ah Medical a nei dawn niin an tarlang.

German striker Lukas Podolski chuan Arsenal chhuahsanin Turkish club Galatsaray a zawm ta. Podolski hian kum thum daih contract Turkish club tan hian a ziaka, a manah £1.8m Arsenal chuan an tel hrih phawt bawk.

Champions League an khel pha a nih chuan Turkish champions hian Podolski man an pek belh ang.

Arsenal ah Mesut Ozil, Alexis Sanchez leh Danny Welbeck te mai bakah Theo Walcott, Olivier Giroud leh Alex Oxlade-Chamberlain te Wenger hian forward atan duhthlan tur a neia, hei vang hian tunhnai chhovah Podolski tan Arsenal ah hmun chan a theih meuh tawh lo a ni.

Galatasary president Dursun Aydin Ozbek chuan Podolski chu lakluh an lo tum reng thin tawh thu sawiin kum engemaw zat kan hnenah tha taka a khelh theih kan ringa, Podolski kan lalut thei hi kan fans te duhthusam kan ti hlawhtling ah kan ngai tiin a sawi bawk.

Kum 30 a upa Podolski hian 2012 khan Koln chhuahsanin Arsenal hi £11m in a zawma, Arsenal tan vawi 82 a inlanah goal 31 a khung. 2013 FA Cup ah Arsenal a champion puia, season hmasa season chawhnu lamah erawh kha chuan Inter Milan ah loan a chhuahtir a ni thung.

Van Persie-a'n Fenerbache hnaih zel

Van Persie chuan Fenerbache a pan dawn ta tak tak niin a lang ta, a agent Kees Vos chu tunah hian Istanbul-ah a awm mek thu leh hun reilote chhungin inremna an neih tur thu The Guardian chuan a tarlang.

Premier League chhiah tlingkhawmin Police 93K chawm thei !

English Premier League din a nih tirh atangin nasa takin a thang zel a, 2013-14 season-a Premier League chhiah tling khawm chu £2.4 billion lai niin Ernst & Young (EY) chuan a tarlang.

kimchangin : Hetah

Chelsea striker thar Falcao

Premier League champions Chelsea chuan Colombian striker Radamel Falcao chu season khat chhung loan-in Monaco atangin an la ta a, Falcao hi a khel tha a nih chuan Chelsea hian permanent contract an pe dawn a ni.

kimchangin: hetah 

Sporting Lisbon mi thar Martunis-a chanchin ngaihnawm chu

Portuguese club Sporting Lisbon chuan Academy player ni turin kum 17 mi Martunis an la lut, he chanchin hian khawvel a dengchhuak nghal. Martunis hi 2004-a Tsunami-in Indonesia a nuai tuma dam khawchhuak kha a ni a, kum 7 mi lek niin ni 21 lai eitur mumal awm lova a khawsak hnuah dama chhar a ni a, Martunis hian a nu leh a unau pahnih Tsunami vang hian a chan nghe nghe a, hetia dama an chhar lai hian Portugal jersey a lo ha ngei bawk a. A kawr hak leh a tumruhna vangin dinhmun thaah a ding chho ta mek a ni.

Post kimchang :  hetah

Spanish Newspaper AS-in a tarlan danin Manchester United chu Dea Gea manah an tawlh hniam mek, United hian a tirin £35m chhiar mahse tunah chuan £25m velah an tla thla tawh, Dea Gea manah Real Madrid leh Manchester United te chu an inrem thei tep tawh.

Liverpool nen pawh a sawizawm reng Carlos Bacca chuan AC Milan a zawm dawn a, Italian club hian an club official Twitter account atangin Colombian striker hi an lakluh tur thu an puang.

post kimchang : Hetah

Manchester United leh Everton  manager hlui David Moyes enkawl mek Real Sociedad chuan loan-in Galatasaray winger Bruma leh Porto centre-back Diego Reyes-te lakluh an tum mek tih AS chuan an tarlang.

Manchester City chuan £25m man Bayer Leverkusen winger Karim Bellarabi lakluh an tum dawn niin The Sun chuan an tarlang.

Kum 25 mi hi season liamta Bundesliga-ah khan a che tha a, June thla khan Germany tan a goal hmasa ber chu Gibraltar an hmachhawn tumin a khung.

Chelsea chuan £8m sengin Stoke goalkeeper Asmir Begovic lakluh an tum tak tak ta niin Daily Telegraph chuan an tarlang.

London club hian Petr Cech an chhuahtir a, Thibaut Courtois thachhang dawl tur rintlak si an melh a Bosnian goalkeeper hi an duh niin sawi tel a ni bawk.

Manchester United hian Otamendi, Ramos leh Schneiderlin an la thei a nih chuan 2015-16 season-a an formation ni thei tur..

Real Madrid president lo ni tawh Ramon Calderon chuan Real defender Sergio Ramos chungchang chiang takin a sawi chhuak ve ta a, Calderon hian Ramos chu Real chhuahsana Manchester United zawm bak duh a neih loh thu a sawi chhuak a ni.

Man Utd hian kum 29 mi Spanish defender hi £28.6m -a lei tumin Real Madrid an dawr a, hemi chungchangah hian Ramos chuan Real Madrid general manager hmuin, Maqn Utd in an dawrna chu lo ngaihven chhunzawm turin a ti niin Calderon chuan a sawi.

post kimchang : Hetah

Ni 17 chiahin Bournemouth manager Eddie Howe hi an defender thar Sylvain Distin (kum 37) aiin a upa.

Giannelli Imbula chuan Marseille chhuahsanin Portuguese club FC Porto a zawm.

Porto hian amanah £14.2m (€20m) an seng a, kum nga daih tur contract an ziahpui.

Spanish centre-back Victor Ruiz chuan Valencia atangin Villarreal a zawm fel a, kum li daih contract a ziak.

Juventus midfielder Arturo Vidal chuan kum nga daih contract ziaka Real Madrid zawm a remti tawh niin Spanish chanchinbu pakhat Sport chuan an tarlang.

Sport hian Vidal agent Fernando Felicevich leh Real director general Jose Angel Sanchez-te'n inbiakna an neih hnuin inremna hi an siam niin an tarlang bawk a ni.

Liverpool centre-back Martin Skrtel agent Viktor Kolar chuan Merseyside club nen hian contract thar chungchang an sawiho mek thu leh an inbiakna hi a kal tluan thu Sky Sports News hnenah a sawi.

Manchester United goalkeeper hlui Tomasz Kuszczak chuan kum hnih daih contract ziakin Birmingham City a zawm.

Sunderland chuan Liverpool atangin Uruguay defnder Sebastian Coates an lalut fel a, kum li daih contract an ziahpui.

11:02 PM : Juventus Chief Marotta a tawngchhuak, Barcelona nen Pogba chungchangah  inremna engmah an siam loh thu Marotta chuan a sawi leh ta tlat mai le.

Marotta chuan,"€80m lai Pogba manah hian an rawn keng. Mahse Pogba hi kan hralh dawn lo tih hi ka sawi chiang leh a ni. Kan indawrna leh kan inhmuhkhawmna boruak chu a tha lutuk, chutih laiin Pogba chungchangah Barcelona nen hian inremna pakhatmah kan nei lo a ni," tiin a sawi.

Pogba manah Barcelona leh Juventus inrem ta- SPORT

Spanish newspaper SPORT chuan a sawi chiang hle mai, French midfielder kum 22 mi Paul Pogba chu Barcelona player a ni dawn ta a, Pogba hian January 2016-ah Barcelona a zawm dawn a ni.

Post kimchang : Hetah

Inter Milan defender thar Miranda.

Inter Milan chuan Atletico Madrid atangin Brazilian centre-back Miranda an lalut fel tih Twitter-ah an tarlang ta a, Thawhlehni khan medical test a nei.

Tunhnai transfer hun in hawn apianga chhuak tur ni a an sawilan fo Ilkay Gundogan chuan Borussia Dortmund chhuahsan a tum lo tih chian nan contract thar a ziak

Chanchin kimchang : Hetah

Zanin inkhel.com leh Netsurf tangkawpin a buatsaih E-Sports Tournament chungchang tarlang ve zuai ang aw...

Netsurf Dota2 Championship LAN event a hmuhnawm hle mai. Shaggy Bark vs Shades Gaming X te an la inkhel mek.

Main event pawh a la ni lo, chuti chung chuan Chanmari YMA hall chanve awh khawp E-Sports fans an pungkhawm.. Pui rem rem hle mai. Friday hi Main Event a ni dawn a nia awwww...

Turkish club Antalyaspor chuan Eto'o an lak hnuah Brazilian Ronaldinho pawh lak an la tum zel e.

Guus Hiddink a ban hnuah Netherlands chuan Danny Blind chu National coach atan an ruat ta a, Blind hi Hiddink-a assistant a ni thin a, Ajax leh Sparta Rotterdam velah Blind hian football a khelh lai chuan a khel thin.

French defender Sylvain Distin chuan Everton-a a contract tawp hnuin Premier League-a team thar tur Bournemouth a zawm.

Kum 37 mi Distin hian kum khat daih tur contract a ziak a, Everton tan game 210 a khel hman.

Post kimchang chhiar duh tan : Hetah

Swansea City chuan Sporting Braga atangin Portuguese striker Eder an lalut a, kum thum daih contract an ziahpui.

Kum 27 manah Welsh club hian engzat nge an sen chiang taka tarlan a awm lo va, £5m vel anih rin a ni.

post kimchang chhiar duh tan : Hetah

German midfielder Lewis Holtby chuan Tottenham a chhuahsan fel a, a nghetin loan-a a khelhna Hamburg a zawm.

post kimchang chhiar duh tan : Hetah

 

Southampton chuan an club-a Dani Osvaldo contract neih mek an tih tawp thu an puang.

* Transfer chanchinthar hi website lamah kan LIVE reng ania. Hetah hian lo leng lut la

Stoke City chuan Xherdan Shaqiri mana Inter Milan chhiar zat (£12m) an ngam tawh niin Sky Sports chuan an tarlang.

Portuguese striker Eder chuan Swansea City zawm turin medical test a paltlang tawh niin Sky Sports chuan an tarlang.

Eder hi Sporting Braga-ah a khel mek a, Welsh club hian amanah £5m sengin kum thum daih contract an ziahpui dawn niin tarlan a ni.

Kan tarlang zo chiah a, Swansea lam hian thuchhuah an lo nei nghal. Portuguese striker Eder hi an lalut fel chiah e.

Event thar hmangin Live Transfer nei leh ang aw, a hmasa kha a tam deuh tawh a, load a rih phah hlauh tak palhin zang zawkin hetah hian kan nei chhunzawm leh dawn e.