Football Transfer News

30 Jun 2015

Kan tarlang zo chiah a, Swansea lam hian thuchhuah an lo nei nghal. Portuguese striker Eder hi an lalut fel chiah e.

Portuguese striker Eder chuan Swansea City zawm turin medical test a paltlang tawh niin Sky Sports chuan an tarlang.

Eder hi Sporting Braga-ah a khel mek a, Welsh club hian amanah £5m sengin kum thum daih contract an ziahpui dawn niin tarlan a ni.

Southampton chuan an club-a Dani Osvaldo contract neih mek an tih tawp thu an puang.

Lewis Holtby chuan Tottenham chhuahsanin loan-a a khelhna Bundesliga club Hamburg a nghetin a zawm fel.

Premier League-a team thar tur Watford chuan season liamta a loan-a an hawh Matej Vydra chu Italian club Udinese atangin an lalut fel a, kum nga daih contract an ziahpui.

Stoke City chuan Xherdan Shaqiri mana Inter Milan chhiar (£12m) an ngam tawh niin Sky Sports chuan an tarlang.

French central defender Sylvain Distin chuan kum khat daih contract ziakin Premier League-a team thar tur Bournemouth a zawm.

Kum 37 mi Distin hi Everton-ah a khel thin a, season liamta khan a contract a tawp.

England full-back Nathaniel Clyne chuan Thawhtanni khan Liverpool zawm turin medical test a paltlang a, Merseyside club hi a zawm fel lek lek tawh niin Sky Sports chuan an tarlang.

Clyne man hi £12.5m vel ni turin an tarlang a, season liamta khan Southampton tan game 41 a khel a Saints hi kum 2012 khan Crystal Palace atangin a zawm.

Tom Cleverley, "Everton ka zawm thei hi ka lawm a, a chhan chu club ropui an nih vang a ni. Player tha, manager tha leh fans tha tak tak an awm he club hi ka khelh duhna chi tak a ni."

Everton chuan official takin Tom Cleverley leh Gerard Deulofeu-te an club-ah an ziaklut ta tih an tarlang.

Sap ramah July ni 1 a ni ve ta a, player thar nei hovin official takin an bungraw thar neihte an tarlang ta chuai chuai mai!

Leicester-in an ban tak Nigel Pearson hian Leicester City a enkawlna game hnuhnung 10 atangin game 7-ah hnehna a chanpui a, game khatah an tumpuite draw-in game hnihah hnehloh an tawng.

He game hnuhnung 10-ah hian point 30 awmin point 22 an hlawhchhuak thei a, goal 22 khungin goal 11 an chhuah.

MLS club New York City FC chuan Andrea Pirlo an lalut dawn tih a chiang ta a, an club website-ah Italian midfielder profile an dah tel ta va va mai.

Lyon atangin Monaco chuan £2.5m (€ 3.5m) sengin Farès Bahlouli an lalut a, kum nga daih contract an ziahpui.

Zdravko Kuzmanović chuan Inter Milan chhuahsanin FC Basel a zawm a, kum nga daih contact a ziak.

John Guidetti hian Sweden Under-21 tan game 23 khelin goal 12 a khung tawh a, tunah hian club nei lo (free agent) a ni mek.

Sweden hi Under-21 European Championships-a champion thar an ni a, Thawhlehni zan khan final-ah Portugal nen an in hmachhawn a penalty shootout-ah vanneiin an champion.

Yohan Cabaye chuan Newcastle-a alo hrawn tawh thin Alan Pardew hnuaia khel leh turin Crystal Palace a zawm dawn tih Daily Mirror chuan an tarlang.

Season liamta khan PSG tan Ligue 1-ah game 20 a khel a, kum 2014 January thla khan Newcastle chhuahsanin French club hi a zawm.

Vawiin ang kum 2003-ah khan Real Madrid chuan Manchester United atangin David Beckham an lalut a, £25m an seng.

Championship lama khel mek Leeds United chuan Leicester atangin Chris Wood an lalut tih tukin khan an puang a, kum li daih tur contract an ziahpui.

Kum 23 mi Wood hian belhkhawmin Leicester City tan game 62 a khel a, goal 20 a khung.

Premier League free transfer XI:

* Goalkeeper - Jussi Jaaskelainen

* Defenders - Glen Johnson, Ron Vlaar, Ryan Taylor.

* Midfielders - Shaun Wright-Phillips, Joey Barton, Abou Diaby, Jonas Gutierrez, Peter Odemwingie.

* Strikers - Bobby Zamora, Didier Drogba.

(Sky Sports)

Atletico Madrid chuan Chelsea winger Juan Cuadrado lakluh an tum dawn niin AS chuan an tarlang.

Spanish club hian an winger Arda Turan an chhuahtir hmel a, London club-a khelhna hmun chang pha tak tak lo Cuadrado hi lakluh mai an duh niin an sawi.

 

Arsenal striker Lukas Podolski chuan Turkish club Galatasaray a zawm hmel ta hle a, inbiakna kalpui mek a ni.

German striker hi Turkey-ah chawlh hmangin a awm mek a, Super Lig Champion team nen hian inbiakna an nei ngei tih an tarlang.

Gunners-ah hian kum khat daih contract ala nei a, season liamta chawhnu lam khan Italian club Inter Milan-ah loan-in a khelchhuak.

Marseille chuan Manchester City atangin Dutch defender Karim Rekik an lalut dawn tih an puang a, medical test an la hmabak.

Rekik hian Manchester City tan game thum chauh ala khel a, season hnih chhung chu loan-in PSV Eindhoven tan a khel tawh a ni.

ManchesterCity striker hlui Robino chuan Paulinho hnungzuiin Chinese club Guangzhou Evergrande a zawm dawn niin Sky Sports chuan an tarlang.

Kum 31 mi hian Copa America atanga an tlak hnuin a khelh mekna Santos chhuahsan a tum tih a sawi a, Brazil head coach ni thin Luiz Felipe Scolari enkawl mek Guangzhou hi a zawm ve nge nge maithei.

Manchester United-in Sergio Ramos an lalut thei lo anih chuan Dutch defender Stefan de Vrij lakluh an tum dawn niin De Telegraaf chuan an tarlang.

Kum 23 mi Lazio defender hian season liamta khan Serie A-ah game 32 a khel a, nikum nipui lai khan Feyenoord atangin Italian club hi a zawm.

Atletico Madrid chuan Porto atangin Colombian striker Jackson Martinez an lalut dawn tih a chiang ta a, Portuguese club hian an striker contract-a leichhuah theihna awm (€35m) chu Spanish club hian an ngam tawh tih an sawi.

Martinez hian Juventus pana chhuak ta Croatian striker Mario Mandzuki hmunruak a hnawhkhat dawn a, Porto tan hian belhkhawmin game 136 a khel a goal 92 a khung hman bawk a ni.

Manchester City chuan £20m sen huamin Napoli midfielder Marek Hamsik lakluh an inpeih reng tawh tih The Sun chuan an tarlang.

Kum 27 mi Hamsik hian kum 2007 khan Napoli hi a zawm a, season liamta khan game 50 khelin goal 13 a khung.

England Under-21 left back Luke Garbutt chuan kum 2020 thleng daih turin contract thar a ziak.

Tom Ince chuan vawiin hian a hmalam hun Hull City thuneitute a sawipui dawn niin an sawi.

Kum 23 mi Ince hian season liamta khan loan-in Derby a zawm a, game 18 khelin goal 11 a khung.

Derby hian a ngheta lakluh an duh a, Newcastle United pawhin English striker hi lakluh an duh ve bawk niin Sky Sports chuan an tarlang.

West Brom chuan £10m sen huamin QPR striker Charlie Austin lakluh an inring tih Daily Telegraph chuan an tarlang.

Kum 25 mi Austin hian season liamta Premier League-ah khan goal 18 a khung a, West Brom hian Liverpool striker Rickie Lambert pawh lakluh an tum niin sawi a awm.

Cameroon left-back Benoit Assou-Ekotto hian a thlawnin St Etienne hi a zawm a, kum hat daih contract a ziak.

Tottenham left-back ni thin Benoit Assou-Ekotto (kum 31) chuan French club St Etienne a zawm fel.

Spanish media-te chuan Barcelona-in Atletico Madrid midfielder Arda Turan lakluh tumin inbiakna an kalpui mek tih an tarlang a, tunkar tawp hian inremna an siam theih hmel niin an sawi bawk.

Inter Milan centre-back Andrea Ranocchia pawhin a contract neihsa kum li chhung atan a pawtsei.

M'Baye Niang chuan AC Milan tan kum li daih tur contract thar a ziak.

Argentina striker hlui Hernan Crespo chu Serie B team Modena head coach thar tura ruat a ni a, kum khat daih tur contract a ziak.

Atletico Madrid chuan River Plate midfielder Matias Kranevitter lakluh an tum a, inbiakna an nei mek.

River Plate technical secretary Enzo Francescoli chuan Atletico nen hian an inbe mek tih a pha lo va, mahse Kranevitter hi kumin chu kawl rih an la duh thu a sawi.

Porto khan an star player te kha lo hralh hlawm lo ta selang chuan an va tha dawn tak em !

Goalkeeper : Beto

Defence : Danilo,Pepe,Mangala, Álvaro Pereira

Midfield : Fernando, João Moutinho, Hulk, James Rodriguez, Fredy Guarín

Forward : Radamel Falcao

Liverpool hi an zia dawn hle mai

Liverpool XI

Goalkeeper : Rui Patricio

Defence : Nathaniel Clyne, Mamadou Sakho, Emre Can, Alberto Moreno

Midfield : Jordan Henderson, Philippe Coutinho,James Milner, Roberto Firmino

Forward : Daniel Sturridge, Danny Ings

Copa America atanga an tlak tak avangin Radamel Falcao chuan transfer chungchang a ngaihven ve thei dawn ta a, tun atanga ni reilote chhungin Falcao chuan Chelsea a zawm dawn a ni.

Chelsea striker hlui Samuel Eto'o chuan Instagram-ah Turkish club Antalyaspor a zawm fel thu a tarlang a, kum thum daih contract a ziak.

Kum 34 mi Eto'o hian season liamta chawhma lam khan Everton-ah hun a hmang a, January thla khan Italian club Sampdoria-ah a lut.

Juventus midfielder Arturo Vidal agent Fernando Felicevich chuan Arsenal nen inbiakna an neihloh thu a sawi.

Real Madrid defender Ramos-a nu a tawngchhuak ve ta... Ramos-a nu chuan a fapa hian Real Madrid a chhuahsan a ring lo.

Juventus chuan Tottenham winger Erik Lamela lakluh tumna an nei lo niin Tuttosport chuan an tarlang.

Kum 23 mi Argentine winger hian kum 2018 thleng daih Spurs-ah hian contract a nei.

Inter Milan chuan Manchester City atangin Montenegro international striker Stevan Jovetic lakluh an tum leh dawn niin La Gazzetta dello Sport chuan an tarlang.

Jovetic hian kum 2013 khan Italian club Fiorentina chhuahsanin Manchester City hi a zawm a, khelhna hmun a chang tam lo hle.

Italian forward Ciro Immobile chuan Borussia Dortmund a chhuahsan dawn lo niin a agent Marco Sommella chuan a sawi.

Immobile hi beisei angin Germany-ah a chetha lo va, Italy lama kir tur anga sawi niin Napoli leh Fiorentina-te chuan lakluh an duh niin sawilan a ni.

Scottish club Celtic chuan Dundee United striker Nadir Ciftci lei nan £900,000 an thehchhuak a, hnarsak an ni.

Turkish striker Ciftci hian season liamta khan Dundee tan goal 16 a khung.

Gazzetta dello Sport chuan Paul Pogba manah Juventus leh Barcelona an inrem fel tawh niin an tarlang.

French midfielder man hi £64m ni turin an sawi a, Barca hian hremna an tawh mek avangin Pogba hi nakum nipui transfer huna lakluh turin Juve hi an be fel niin tarlan a ni.

Southampton chuan Manchester United-in an midfielder Morgan Schneiderlin lei tuma an dawrna ni sawm liamta khan an lo hnarsak tawh niin Sky Sports chuan an tarlang.

Manchester United hian £25m aia sang lovin an dawr tih sawi a awm a, Saints hian an pawm thei lo va club pahnihte hi an la inbe leh lo niin tarlan a ni bawk.

AC Milan chuan an club-a Sulley Muntari contract neihlai an tih tawp thu an puang.

Ghana midfielder hian season liamta khan game 12-ah chiah inkhel bul a tan pha a, March thla hnu khan a inkhel leh ta lo va Italian club-ah hian kum khat daih contract la nei mahse tihtawp a ni ta a ni.

Atletico Madrid midfielder Arda Turan chuan Chelsea lam a hawi niin Mail Online chuan an tarlang.

Turkey international midfielder hian Spanish club hi chhuahsan a hreh lo va, a contract neih mekah leichhuah theihna £29m a awm.

Kum 28 mi Turan hian a agent-in biak mek a neih thu alo sawi tawh a ni.

Wolfsburg-in De Bruyne hralh an phal lo.

German club Wolfsburg chuan an midfielder Kevin de Bruyne chhuahtir an phal lo va, contract thar ziahpui mai an rilruk.

READ MORE.... http://www.inkhel.com/post/wolfsburg-in-de-bruyne-hralh-an-phal-lo

Real Madrid chuan Espanyol atangin Spanish winger Lucas Vazquez an lalut fel lek lek tawh niin an tarlang.

Vazquez hian Espanyol-ah kum khat chah ala khel a, Real Madrid hian amanah £1m velan seng dawn niin Spain lam atanga report chuan an sawi.

Gervinho-a'n helicopter leh private beach a phut !

Gervinho chuan a club thar tur lakah helicopter leh private beach a phut hem mai. Financial Fair Play dan an bawhchhe takngial dawna an inhriat avangin AS Roma chuan an foward Gervinho chu hralhchhuah mai an tum a.

hetah chhiar chhunzawm rawh le : Click here

Everton chuan Leeds United right-back Sam Byram lakluh an duh niin Guardian chuan an tarlang.

Kum 21 mi Byram hi Newcastle leh Sunderland pawhin lakluh an hnial lo niin tarlan a ni.

Chelsea chuan Stoke City atangin Bosnian goalkeeper Asmir Begovic lakluh an tum chhunzawm zel niin Mail-in an tarlang.

Inter Milan chuan Atletico Madrid defender Miranda an lalut fel tep a, medical test a paltlang fel tawh.

Watford chuan vawiin hian Udinese striker Matej Vydra an lakluh fel beisei a ni.

Vydra hian season liamta khan loan-in Watford hi a zawm a, goal 16 khungin season thara Premier League khel turin a tlinpui.

Villarreal forward Luciano Vietto chuan a hmalam hun tur a sawichiang thei lo va, Pathianah a in nghah thu a sawi.

Argentine forward hi Atletico Madrid nen sawizawm ber an ni.

Hull City-a khel thin Irish midfielder Stephen Quinn chuan a thlawnin Reading a zawm.

Kum 29 mi Quinn hian season liamta khan Hull tan game 29 a khel a, Reading tan hian kum thum daih tur contract a ziak.

Aston Villa-in Ajax left-back Nicolai Boilesen lakluh tuma an dawrna Dutch club hian an hnawlsak tih Birmingham Mail chuan an tarlang.

Villa hian £1m-a an sum hi tihpun an remti a, mahse Ajax club director Marc Overmars chuan an defender hi Netherlands chhuahsan turin a phal lo tih a sawi.

Bournemouth leh Norwich chuan Crystal Palace striker Glenn Murray lakluh an tum mek niin Daily Mirror chuan an tarlang.

Murray hian season liamta Premier League-ah khan game 17 khelin goal 7 a khung a, £5m man vel ni tura ngaih a ni.

Monaco leh Vitesse Arnhem-in loan-a Chelsea rawlthar Ruben Loftus-Cheek hawh duh mahse England Under-21 midfielder hian London club chhuahsan a duh lo niin Daily Mail chuan an tarlang.

Season liamta khan kum 19 Loftus-Cheek hian Premier League-ah game li a khel.

Juventus nena sawizawm Isco chuan Real Madrid a chhuahsan dawn lo tih AS-in an tarlang a, Spanish midfielder hi Rafa Benitez player duh zingah a tel niin an sawi.

Juve hian Andrea Pirlo thlaktu atan an duh a, lakluh an tum tih thawm a awm.

Manchester City striker Edin Dzeko agent chuan Italian club AS Roma nen inbiakna an neihloh thu a sawi.

£10.7m senga West Ham-in Marseille atanga an lakluh Dimitri Payet hian season liamta khan thiante pet goal tura siamsak vawi 17 a nei a, France ram chhungah tluk pha an awm lo va Europe-ah pawh thiante pet goal tur siamsak nei hnem palina a ni phak.

Chance siamah erawh a chungnung a, season liamta khan vawi 134 ngawt mai chance hi a siam thei a amah tluk teuh bertu Wolfsburg midfielder Kevin de Bruyne-a'n vawi 112 a nei.

Transfer chanchinthar ni chiah lo te hi han zep zauh zauh ila. 

Season liamta Indian Super League-a goal khung hnem ber (8 goals) Chennaiyin FC striker Elano.

Brazilian striker hian minute 826 a khel a, thiante pet goal tura siamsak pawh vawikhat a nei.

Eugeneson Lyngdoh pawh hi Indian Super League (ISL) player lilam huna an inchuh nasat tur anih rin a ni.

Bengaluru FC midfielder a ni a season liamta khan game 20 khelin goal 6 a khung. Player lilam hun hi July ni 10-ah neih tur a ni.

Indian Super League (ISL) boruakin min tuam leh tan ta a, player lilam hun pawh a thleng leh ta tep e.

Kum 23 mi Seityasen Singh hi a 'luck' viau maithei a, I-League ah game 18 khelin goal 6 a khung tawh a midfielder a ni.

East Bengal player Gurwinder Singh chuan Indian Super League (ISL)-a Kerala Blasters champion pui turin a inpeih (ready) tawh thu Twitter lamah a tarlang.

Chanmari FC chuan an head coach thar ni turin tawnhriat ngah tawh tak HC Zarzoliana an lakluh thu an puang.

Zara hian Dinthar FC a enkawl reng a, kum 2012-2013 season khan Mizoram Premier League (MPL)-ah a champion pui. Santosh Trophy-a Mizoram kan champion khan Assistant Coach a ni a, I-Day, NECS Cup leh Central YMA intihsiaknaahte pawh hlawhtlinna alo chang tawh thin a ni.

Tottenham chuan Christian Benteke lakluh an duh a, Aston villa hnenah pawisa baka an striker Emmanuel Adebayor pelkbelh an huam niin Mirror chuan an tarlang.

Liverpool chhuahsan tur anga an tarlante:

* Mario Balotelli

* Fabio Borini

* Rickie Lambert

* Jose Enrique

* Luis Alberto

* Lucas Leiva

Arsenal chuan Sporting Lisbon atangin Portuguese midfielder William Carvalho lakluh an duh niin an tarlang veleh ta a, £20m man vel tur niin Daily Star chuan an sawi.

Manchester United pawhin Portugal Under-21 midfielder hi lakluh an duh niin sawi tel ani.

Rangers-in an chhuahtir hnuin Kris Boyd chuan a club hlui Kilmarnock a zawm.

Kum 31 mi Boyd hian kum hnih daih contract a ziak a, Rangers hian Ladbrokes Premiership khel tura an tlin zawhloh hnuin an player 11 an chhuahtir (release).

2014 AFC Champions League champion team Western Sydney Wanderers chhuahsanin Australian striker Kerem Bulut chuan Greek club Iraklis a zawm.

Australia Under-23 striker hlui hi Sydney FC youth team atangin a lo in zirchhuak a, Turkey leh Czech Republic-ahte pawh inkhelin alo awm tawh thin a ni.

Kum 23 mi a ni mek a season liamta khan A-League-ah game kua khelin goal nga a khung.

Petr Cech, "Arsenal fans leh club hian Premier League-a champion an duh a, hei hi kan ti hlawhtling thei. Premier League hi khawvela league tha ber niin ka hria a hunrei tak chhung keipawh ka khel tawh, engnge beisei tur chu ka hria."

"Team hlawhtlin tum ka zawm a Europe-ah pawh team lian nih an duh. Ka tan chuan a phurawm khawp mai."

Real Madrid chuan Sergio Ramos thlak turin Juventus defender Leonardo Bonucci lakluh mai an tum a, €30m sen an huam tih Tuttosport chuan an tarlang.

Everton, Newcastle leh Sunderland-te chuan Leeds United right-back Sam Byram lakluh tumin hma an la mek tih The Guardian-in an tarlang.

Manchester City chuan Monaco atangin Brazilian right-back Fabinho lakluh an tum a, £15m sen an huam niin Daily Mail chuan an tarlang.

Kum 21 mi Fabinho man Monaco hian nikum khan £4m an seng a Rio Ave atangin an lei. City hian right-back an neihlai pahnih Pablo Zabaleta (30) leh Bacary Sagna (32)-te an upa tawh si a hmalam hun an thlir.

Lille midfielder Idrissa Gueye chuan Marseille zawm a remti niin tarlan a ni a, Premier League club thenkhat pawhin lakluh an duh niin tarlan tel a ni bawk.

Aaron Cresswell chuan West Ham tan kum 2020 thleng daih turin contract thar a ziak a, kum hnih chhung atan pawhsei leh theih tura ruahhman a ni bawk.

Kum 25 mi Cresswell hian kum 2014 nipui lai khan Hammers hi a zawm a, season liamta Premier League-a game zawng zawng kha a khel kim vek a West Ham Players’ Player of the Season leh Hammer of the Year-ah thlan a ni.

Netherlands coach a nihna atangin Guus Hiddink a bang.

Hiddink hian kum 2014 World Cup hnu khan Netherlands hi a enkawl a, game 10 khelhpuiin game 4-ah hnehna an chang a game 5-ah hnehloh an tawng. He game 10-ah hian goal 20 an khung a goal15 an chhuah.

EURO 2016 qualifying round khelh mekah Netherlands hi beisei angin a chetthatpui lo va, an group-ah pathumna an ni mek.

Atletico Madrid midfielder Arda Turan chuan tunkar tawp hian a hmalam hun a tichiang dawn niin a agent Ahmet Bulut chuan a sawi.

Turkey international midfielder hi Chelsea leh Manchester United-in lakluh an hnial lo niin Sap ram chanchinbute chuan an tarlang.

Charlton Athletic chuan Sunderland atangin French midfielder El-Hadji Ba an lalut fel a, kum thum daih tur contract an ziahpui.

Kum 22 mi Ba man hi puanzar a ni lo va, tun nipui transfer hun hawn meka Charlton Athletic player lakluh pahnihna a ni.

Manchester United chuan £28.6m thehchhuakin Real Madrid defender Sergio Ramos lei an tum tak tak ta niin Sky Sports chuan an tarlang.

Spanish midfielder Iker Muniain kum 2019 thleng daih turin Athletic Bilbao tan contract thar a ziak.

Kum 22 mi Muniain contract neih mekah hian leichhuah theihna £32.1m a tel.

Arsenal goalkeeper tha tak takte aiin Cech hian Arsenal tan a thawh hlawk ring an tam ta hle mai.

AC Milan chuan Roma atangin Italian midfielder Andrea Bertolacci an lalut a, kum li daih contract ziahpuiin £14.2m (€20m) vel an seng.

Manchester United defender Phil Jones chuan June 2019 thleng Manchester United-a khel chhunzawm turin contract thar a ziak ta.

Manchester United zawm mai tur anga an sawi Morgan Schneiderlin chuan pre-season atan inpuahchah nan an club training a zawm tih Southampton chuan an tarlang.

Queens Park Rangers manager Chris Ramsey chuan an first-team coach thar ni turin Steve Gallen a ruat.

Gallen hi kum 1997 atang khan QPR academy coaching staff-ah a tel tawh a, kaisangin Kevin Bond hmunruak a hnawhkhat ang.

Premier League-a team thar tur Watford chuan Udinese striker Matej Vydra an lalut fel tep.

Vydra hian season liamta khan loan-in Watford hi a zawm a goal 16 a khung. 

Sevilla coach Unai Emery, "Bacca-in Milan a zawm dawn tih thawm a tam a, Serie A club hian leichhuah theihna zat (£21.2m)-a an ngam chuan tih theih kan nei tam lo ang."

"Kan tih theih chhun chu Carlos hnena lawmthu sawi a ni. Hetiang dinhmunah hian kan lo ding tawh thin a kan paltlang thei ang. Sevilla hi season tharah team hlauhawm an la nih chhunzawm zel a ngai."

Wojciech Szczesny, "Petr Cech, Arsenal FC-ah kan lo lawm a che. Khawvel goalkeeper tha berte zinga pakhat hnena ka in zir thei tur hi ka lawm ani!"

Khelhna hmun inchuhin an inel dawn, Ospina ala awm bawk a Gunners hian goalkeeper an nei chhe dawn hauh lo.

Nathaniel Clyne chuan Liverpool hospital-ah medical a nei zo chiah e.

Photo : Chris Neill

Inter Milan chuan Barcelona defender Martin Montoya an hnaih zel tih Rai Sports-in an tarlang.

Spanish right-back Montoya hian a ngheta luh nghal hisapin Inter hi season khat atan loan-a zawm a hreh lo va, Barcelona-ah khelhna hmun a chang pha meuh lo va season liamta khan La Liga-ah game riat chiah a khel phak.

La Masia academy atanga lo chawr chhuak hian belhkhawm chuan Catalan club tan hian game 67 a khel tawh a, goal hnih a khung tawh bawk a ni.

Manchester City Development squad midfielder Jack Byrne chuan kum thum daih turin contract thar a ziak.

Kum 19 mi Byrne hian tunhnai khan Republic of Ireland Under-21 tan a game hmasa ber a khel a, season liamtaa Manchester City reserve team player pawimawh a ni.

Portugal & ex-Fulham striker Orlando Sa chu Reading-in kum 3 atan contract an ziah pui. An inleina erawh tarlan a ni lo.

Season liamta atanga tehin Petr Cech leh Arsenal goalkeeper pahnih Wojciech Szczesny leh David Ospina-te khaikhinna.

Juventus manager Massimiliano Allegri,"Isco leh Oscar hi ka duh a, Italian rawltharah chuan Berardi leh Bernardeschi hi an tha ka ti. Tevez leh Pirlo an awm dawn loh takah chuan Juve hian in thlak a mamawh a kalphung thar neih a ngai."

Guus Hiddink chuan Netherlands national team coach anihna a bansan dawn niin De Telegraaf chuan an tarlang.

Chelsea manager hlui dinhmun hi 2016 European Championship qualifying khelh meka an chetthat loh vangin a nghing tih thawm a awm a, Netherlands FA (KNVB) chuan Thawhtanni emaw Thawhlehniah hemi chungchang hi an puang chiang dawn niin an sawi.

Championship-a khel mek Charlton chuan Sunderland midfielder El-Hadji Ba an lalut fel lek lek tawh niin South London Press chuan an tarlang.

Kum 22 mi Ba hian kum 2013 khan French club Le Havre atangin Black Cats hi a zawm a, mahse first team-ah khelhna hmun a chang pha meuh lo va tunhnaiah khan loan-in Bastia tan a khel.

Chelsea chuan an goalkeeper kalchhuak ta Petr Cech thlahna Twitter lamah an tarlang nghal thuai.

BREAKING NEWS: Arsenal chuan Chelsea atangin Czech Republic goalkeeper Petr Cech an lalut feltih an puang chiang ta!

Stewart Downing lakluh tum zingah Sunderland an langsar rih ber a, Newcastle United pawhin West Ham winger hi lakluh an tum dawn niin tarlan a ni.

Newcastle United chuan Marseille atanga Florian Thauvin an lalut duh anih chuan £14m an sen a ngai dawn niin Newcastle Chronicle chuan an tarlang.

Sampdoria manager Walter Zenga chuan Liverpool striker Mario Balotelli lakluh an tum lo tih a sawi niin Liverpool Echo chuan an tarlang.

£2m thehchhuakin Sunderland chuan Liverpool atangin Uruguay national defender Sebastian Coates an lalut fel tep a, season liamta khan kum 24 mi hi loan-in an hawh.

Tottenham chuan Erik Lamela chhuahtir tumna an nei lo niin Sky Sports chuan an tarlang.

Argentine winger hian River Plate atanga bul lo tan chhovin kum 2011 khan Italian club AS Roma a zawm a, Spurs hian kum 2013 August thla khan £30m sengin an lei a mahse beisei angin a khelchhuak thei meuh lo.

Chinese club Guangzhou Evergrande chuan Tottenham atangin Brazilian midfielder Paulinho an lalut dawn tih an website-ah an tarlang ta a, £9.8m an seng ang.

Guangzhou hi Brazil coach hlui Luis Felipe Scolari chuan a enkawl mek a, Brazilian midfielder Paulinho hian kum 2013 khan Corinthians chhuahsanin Spurs hi a zawm a amanah London club hian £17m an seng.

Claudio Beauvue chuan Guingamp chhuahsanin kum 4 chhung atan Lyon a zawm dawn ta a, medical a paltlang hnuah Lyon chuan an tlangzarh ang.

Aston Villa chuan an assistant manager thar ni turin Ray Wilkins an lalut. Kum 58 mi Wilkins hi Manchester United, AC Milan, Paris St-Germain, Rangers, QPR leh Chelsea-ahte pawh a khel thin.

Inkhelh a chawlhsan hnu hian team enkawl lamah a kal zui a, Crystal Palace, Wycombe Wanderers, Hibernian, Millwall leh Leyton Orient-te a enkawl tawh a Gianluca Vialli, Luiz Felipe Scolari leh Carlo Ancelotti-te hnuaiah khan Chelsea-ah assistant manager-in alo awm reng tawh thin bawk a ni.

Jeffrey Schlupp chuan Leicester City tan contract thar a ziak leh ta a, June 2019 thleng Leicester tan a khel dawn a ni.

Benteke lakluh nan The Reds an in huam thui?

Liverpool chuan Christian Benteke lakluh an tum ruh hle a, pawisa bakah Rickie Lambert emaw Fabio Borini pekbelh mai an huam tawh niin The Independent chuan tarlang.

Belgian striker Benteke hi a khelh mekna Aston Villa-in hralh an phal lo va, chelh an duh tih an tarlang tawh. A contract neih mekah leichhuah theihna zat £32.5m a awm mek bawk a hei hi Liverpool hian an ngam mai dawn niin sawi a awm

Kimchangin:  hetah

Tun atanga reiloteah Petr Cech chu Arsenal goalkeeper a ni tawh dawn. Source : Skysports

Nathaniel Clyne chuan kum 5 chhung atan Liverpool-ah contract a ziak dawn ta a, Medical chiah a hmabak ta.

Swansea City chuan Braga atangin Portuguese striker Eder an lalut dawn a, £5m an seng dawn niin Sky Sports chuan an tarlang.

Kum 27 mi Eder hi Southampton leh Bournemouth pawhin lakluh an duh niin tarlan tel a ni bawk.

Chinese club Guangzhou Evergrande chuan Tottenham midfielder Paulinho an lalut fel tep a, £10m an seng dawn tih thu thang a awm mek.

Guangzhou hi Brazil coach hlui Luis Felipe Scolari chuan a enkawl mek a, Brazilian midfielder Paulinho hian kum 2013 khan Corinthians chhuahsanin Spurs hi a zawm a amanah London club hian £17m an seng.