UCL Semi final : Bayern Munich vs Barcelona (0-3 first leg)

13 May 2015

Congrats Barcelona

Barcelona-in 2014-15 Champions League final lut ta

Bayern Munich 3-2 Barcelona (FT)

(Benatia 7′ Lewandowski 59′ Müller 74′) (Neymar 15', 29')

(agg 3 - 5)

First leg-a si thum faia an tlawm avangin Allianz Arena-ah a tir atanga nawr nghal an tum a, goal pawh an khung nghal reng a, mahse goal khung teuh an tumna lamah an defending lam an lo ngaihthah deuh a, chu chu an tuar ta niin a lang.

Bayern Munich hian an player tha thekhat inhliam vangin chhawr thei lo mahse 2nd leg an khelh dan atang hi chuan Final lut thei khawpa team tha an la nih zia an pho lang chiang hle. Hetih lai hian Barcelona hmatawng te erawh dan rual an ni lo, an ropui thlawt e. Berlin-ah Barcelona chu an kal dawn ta e, Barcelona hian Real Madrid emaw Juventus emaw final-ah an hmachhawn dawn a ni.

85 mins : Muller ball pek tha zet chu Lewandowski chuan changin, a shot nghal a, mahse a over chiah chiah.

75 mins : Xavi In, Iniesta Out (Barca)

Goal : Muller 74'

Bayern Munich 3-2 Barcelonaa

Box pawn atangin kawh zetin a pet goal

70 mins an khel tlin ta a, 2-2 in a la inhnetawk mek

Goal : Lewandowski 59'

Bayern 2-2 Barca

Box chhung hret atangin a thuai a, bottom corner-ah a pet lut. Lewandowski hian game 12 atangin goal 6 a khung ta.

Tun season Champions League-ah hemite pathum goal khung belhkhawm hi goal 25 lai a ni ta.

Lehthal turin Bayern Munich hian goal 5 lai an khung a ngai tlat mai.

46 mins : Suarez OUT, Pedro IN (Barca)

source : whoscored.com

Bayern Munich 1-2 Barcelona HT

Shots(OT) 11(6) - 4(4)

Possession 52% - 48%

Rating 6.54 - 6.92

Stegen-a'n Barcelona lama goal tur a dang lai

Bayern Munich 1-2 Barcelona (HT)

(1-5 agg.)

(Benatia 7') (Neymar 15', 29')

Team hnihte hian Bus an park lo ve ve, attacking football an khel ve ve. Hetih lai hian hmatawng nei tha zawk erawh Barcelona an ni.

40 mins : SAVED Stegen a va save ropui em em ve mawle... hnai set sawt atanga Lewandowski shot tha zet chu Stegen hian a kut veilamin a lo sang a, goal-ah a lum lut tep, a va dang leh hman.

38 mins : Stegen chuan hna a nei leh zauh zauh, Schweinsteiger tauh tha zet Stegen hian a beng per hman.

Minute 30 an khel tlingta a, Barcelona chuan 5-1 agg. in hma an hruai mek. 2nd leg-a  Neymar-a goal hnihte hi Suarez siam ve ve a ni.

Barcelona goalkeeper Stegen leh Bayern keeper Neuer kan lo sawi pawlh mawlh mawlh.. ngaihdam kan dil e.

Goal : Neymar 29'

Bayern 1-2 Barca

Suarez siam bawk Neymar hian a pet goal.

28 mins : Mual veilam atanga Neymar ball tha zet chu box chhunga awm Messi chuan pet nghalin, Neuer tan harsatna a thleng lo.

Neymar goal khung lai

27 mins : Muller ball pek tha zet chu box chhungah Lewandowski chuan dawngin, a pet nghal a, mahse Neuer zawnah tak a kal avangin Neuer tan harsatna a thleng lo.

Benatia goal celebrate lai

25 mins : Ball possession  

Bayern 51% - 49 % Barca

19 mins : Mual dinglam sir atanga Lahm cross tha zet chu box chhunga lo awm Muller chuan top corner-ah a tauh, a goal ngei dawn nia a lan laiin Barca keeper Ter Stegen chuan tha zetin a lo save.

2003/04 season Champons league-ah khan San Siro Stadium-ah Deportivo chu 4-1 laiin an chak lo. Mahse an home-ah 4-0 in Deportivo chuan hnehna an chang a, an lehthal mawi hle. Khatiang kha zanin hian a thleng thei angem ?

Goal : Neymar 15'

Bayern Munich 1-1 Barcelona

Suarez siam tha zet Neymar hian a pet goal ta a ni.

Bayern Munich chuan corner an hlawh chhuak a, corner atanga ball lo thlawk chu tuma mark loh Benatia chuan far post-ah a lo tauh lut a ni. Benatia hian Champions league goal a vawi khat thunna a ni.

Goal : Benatia 7'

Bayern Munich 1-0 Barcelona

5 mins : Barcelona chuan chance hlauhawm an nei nghal. Box chhung atanga Rakitic shot chu Neuer chuan tha zetin a lo save.

Allianz Arena-a Champions League semi final 2nd leg referee hi Mark Clattenburg a ni

Match an tan chiah e

UCL-a Muller stats : 70 games, 28 goals, 14 assists

Inkhel chhuah zanah "Eng channel-ah nge a chhuah dawn?" tih zawhna kan dawng nasa thei hle. Thil danglamte e thleng lo a nih chuan hei hi vawng tlat ang u,

1. Champions League a nih chuan Zan laiah Ten Action emaw Ten Sports emaw en mai tur (India ram chhung amite tan)

2. Premier League a nih chuan a tlangpuiin weekend-ah an khel thin a, mid-week te awm ve zauh zauh thin mahse a tam zawk chu weekend a ni. StarSports 4-ah an LIVE hnem ber. Star Sports 2 leh 1 -ah te pawh (India ram chhung amite tan)

Hei le Official Line up chu le

Allianz Arena an pan khawm mek e

Bayern Munich XI: Neuer; Rafinha, Boateng, Benatia, Bernat; Alonso, Lahm, Schweinsteiger; Muller, Thiago, Lewandowski. ‪#‎FCB‬

Barcelona XI: Ter Stegen; Dani Alves, Pique, Mascherano, Alba; Busquets, Iniesta, Rakitic; Suarez, Neymar, Messi. #FCB

Barcelona Trio tha te :

1992 (Winners) : Stoichkov, Koeman, Laudrup

2006 (Winners) : Ronaldinho, Eto'o, Deco

2009 (Winners) : Xavi, Iniesta, Henry

2011 (Winners) : Messi, Villa, Busquets

2015 : Messi, Neymar, Suarez

Bayern Munich dressing room

Enrique chuan ,"Guardiola-a'n counter attacking team tha ber kan ni ti se kan pawm ang," tiin a sawi.

Zan reia inkhel en thangte tan

Inkhel hi dar 12 hnuah a ni tlangpui thin, hetiang huna inkhel en thangte kan ni. Dar 1 emaw dar 2 velah emaw ril hi a tam em em tawh thin. Engtikah nge thil kan ei ang ?

Thenkhat chuan Half time-ah kan ei thin ang, thenkhat erawh chuan inkhelh zawhah mut dawnah kan ei thin ang. Thil ei hun atana tha ber engtik nge ? Kan chhanna chu Inkhelh tan hmain ei thin a tha.

Mut dawna ei chu pumin a tuar thin, a tha lo hle. Half time-a ei hi a tawk viau niin kan ngai a ni maithei, mahse half time talk kan en duh si a, half time hi a tangkai a nia. Inkhel page-ah ngaihdan huai tak takin midang kheng deuh tralhin comment kan duh thin bawk si nen, half time-ah thil eina hun a awm lo.

Inkhelh tan hma, ril tam tak tak hmaa ei mai hi a tha ber. Riltam chung chunga inkhel en ai chuan puar saa inkhel en hi a nuam fe zawk.

Enge kan ei thin ? Wai wai ? Chhang thawp ? Chawthing ?

Mipa ho hi chu ei leh in mahni insiam kerh kerh kan peih lo thin. Chuvang chuan awlsam taka hmawm mai theih hi a pawimawh ber. Chhangthawp hi tuisik nen i ei thin kan ring. Tin, chaw thing bar hawng hawng hi sum a heh lo ber.

Messi Stats : 2004-2015: 88 starts, 77 goals, 21 assists

Team News :

Barcelona hian Real Sociedad si hnih faia an hneh tum khan Andres Iniesta, Jordi Alba leh Sergio Busquets an chawlh hahdam tir. An full strength-in Bayern hi an hmachhawn dawn.

Hetih lai hian Bayern Munich erawh chuan an key player pahnih Robben leh Ribery an chhawr thei dawn lo. An defender Holger Gadstuber leh David Alaba pawh zanin hian an inlan theih hmel loh.

Bayern boss Pep Guardiola chuan,"Final kan thlen theihna kawng awmchhun chu Barcelona aia khelh that a ni mai. Kan tum chu a tawp thlenga tan a ni," tiin a sawi.

Quarter final 1st leg-ah khan Porto lakah 3-1 laiin an tlawm a nih kha. Guardiola leh a hote chuan 2nd leg-ah an lehthal chiang hle. Khatiang kha zanin hian Allainz Arena-ah a thleng thei angem ?