30 Jan 2013
Last Update: 18-04-15 08:46

Lazio in Coppa Italia Final an lut ta.

Untitled-2

Coppa Italia semi final inkhel ah Lazio chuan Juventus hneh in final an lut ta a, he inkhel hmuhnawm takah hian Floccari chuan hun tawp dawn ah chakna goal a thun ani.

Semi final 1st leg ah Juventus leh Lazio te hi 1-1 in anlo in draw tawh a, second leg ah hian Juventus lam hian bul an rawn tan tha zawk in inkhel tan atanga mins 8 na lek ah Vucinic chu Federico an ti tlu in referee in penalty a pe dawn emaw tih laiin corner a pe ta zawk a, hetih lai hian mins 30 na ah Klose penalty appeal chu referee in a ham sak duhlo ve bawk ani.

First half ah goal a lut lova, second half lamah erawh inkhel a hmuhnawm in goal pawh a lut nual. Cristian Ledesma cross tha zet mai chu Gonzalez an mins 53 na ah a head goal a, Juventus  manager Conte chuan goal thun ngei tum in Pirlo rawn luh tir in goal erawh an thun thei lawk biklo. Lazio hi a chak tawh mai dawn a  a lan tawh hnuah mins 99+2 na ah Vidal chuan Marchetti dan rual lovin goal a thun a, Juventus draw na goal hi a thun ta ani.

First leg a an result nen 2-2 in an in draw chiah a, extra time an khel dawn a a  lan tawh hnuah Floccari chuan Lazio hmahruaina goal hi corner atangin a ti goal ve leh a, Juventus tan beisei a bo tan ta kawp mai. Lazio lam in goal an thun hnu lawk hian Marchisio chuan Juventus away goal rule hmang a final an luh theihna tur hun tha tak mai chu a ti hlawhtling thei lovin goal ruak ah a thun thelh a, Giovinco shot goalkeeper in a lo save per chu Marchisio chuan goal ruak ah thun thelh in alo pet out thei hram chauh ani.

Lazio hian tun hnai game 10 Juventus an hmachhawn tawh ah a vawikhat na atan hnehna an chang a, a hun takah he hnehna hi chang in Coppa Italia final chu an lut ta ani.