11 Aug 2018 12:34

inkhel

​Zouma leh Batshuayi an chhuak

Chelsea player pahnih Kurt Zouma leh Michy Batshuayi-te chu loan-in an chhuak fel.

French defender Kurt Zouma chuan Everton chu season khat chhung atan loan-in a zawma, Begian striker Michy Batshuayi chuan Spanish club Valencia lam a pan ve thung.

Zouma hian Chelsea tan inelna hrang hrangah game 71 a khel tawha, Jose Mourinho khan a duhsak thin hle. Antonio Conte erawhin a hmang rim lo hle a, kum 2016-2017 khan Conte hnuaiah kum 23 mi Zouma hian game 9 chiah a khel.

Season liamta khan Stoke City lamah loan-a chhuakin game 34 lai a khela, Stoke chu Premier League-ah a in ham tang pui zo lo.

Zouma an lakluh leh takah chuan Everton hian player thar 6 an lalut tawha, Zouma hi an player thar 7-na a ni.

Belgian striker Batshuayi hian kum 2016 khan Chelsea a zawma, kumin kum tir khan Borussia Dortmund lamah loan-a chhuah niin game 10-ah goal kua a khung.

Nimin khan kum 24 mi Batshuayi hian Valencia chu kum khat chhung atan loan-a a zawm thu puan a ni a, season liamta khan Valencia hi La Liga-ah palina niin kum thum hnuah Champions League an khel pha. Chelsea chuan Europa League an khelh laiin Batshuayi hian Champions League a khel dawn thung a ni.

Batshuayi hi Belgium World Cup squad-ah a tel a, vawi thum lai a inkhel ve nghe nghe.