Mizoram Cricket a intiat tawk tak inkhel-ah Ramhlun Venglai CC te Zarkawt Lords lakah an dingchang hram! Mahuma Memorial Cricket Tournament a hot chho zel e.

November ni 25, 2017 (Inrinni) match-ah toss-a vannei zawk Zarkawt Lords in vuak hmasak an thlang a, G. Lalbiakvela chu run siam lovin a out nghal bakah an innghahna Zahir Uddin chu run 8 chiah siamin a out bawk.

Zarkawt Lords batting line up a tluchhe nghal, opener Darremsanga (25) a out hnu phei chuan Zarkawt lam hian run 70 vel pawh an tlin dawn lo nia a lan laiin Mustafa Lasker leh Jonathan Lalrinchhana te an rawn ding tha hle a, Mustafa (32) a out hnuah Jonathan Lalrinchhana dinpui thei a awm ta lo.

Over 32.3 ah run 129 siamin an duhtawk a ngai ta a ni, Ramhlun Venglai bowler-ah Joseph-a vawm tha berin over 8 a vawmah run 23 pein wicket 4 a la a ni.

Ramhlun Venglai CC lam bul an tan tha hle a, Malsawmdinpuia (15) leh Lalhruaitluanga (30) te chuan Ramhlun Venglai dinhmun thaah an din tir a, an out hnuah Ramhlun Venglai battting lineup a buai ve leh ta nak mai.

Zarkawt lam an phur hle hman a, RVL State pawn player Debakar chuan dinhmun hlauhthawnawma an din laiin zam lovin rang takin run 32 a rawn vuak chhuah bakah Ruatdika (24) chuan a tawpah RVL rawn chhanhimin over 30.2 ah wicket 8 hlohin an target hi an umpha ta hram a ni. Zarkawt Lords bowler zingah Partha Pratim leh Lalrempuia ten wicket 3 ve ve an la a ni.

Round 4

27.11.2017

Chanmarians CC vs Gorkha CC