Mizoram Super League (MSL) Season 2 chu march 10, Ningani zan dar 8:00 khan Hawla Indoor Stadium Republic Vengthlangah khelh chhunzawm a ni a, hneh la nei lo, Zarkawt BCA chuan an khingpui Chaltlang Ryders hnehin, Table-ah a mawngphah chhuah san mahse, relegation battle khel lo tur chuan vawi hnih khelh hmabak an la neihah an tan chak ngei ngei a ngai dawn a ni. Chaltlang Ryders hian khelh tawhah chak result an la nei lo, vawi khat khelh hmabak an la neihah chak mahse semifinal khelh an tan beisei ngam a ni tawh lo.
First quarter-ah Ryders hian bul tan tha zawkin, an chungnung nghal a, point guard H Lalthangliana hian point 6 score in, Shooting guard K Lalchhuanawma leh Vishal Kumar Gupta te an thawh hlawk hle bawk. BCA lam Captain Mathew-a hian point 8 score mahse, Ryders hian 16-11 in first quarter-ah hma an hruai ta a ni. Second quarter-ah Ryders hian hma hruai zelin, captain Vishal Kumar leh point guard Lalremtluanga an thawh hlawk hle, forward Rachit rawn in lanin point 5 lai score a nei bawk mahse, power forward Richard-a a hunah an tangkai nep deuh. BCA lam in siam tha chho in, defence an uluk zual bakah, an tight tha nghal, an thawh hona a tha tual tual Albert-a, Jackson-a leh Michael-a te an thawh hlawk hle a, second quarter a zawh meuh chuan BCA hian 33-30 in hma an hruai ta a ni.
Third quarter-ah BCA chuan hma hruai chhunzawm zelin, Michael-a a langsar point 10 zet score in, an chakna hnar kan ti thei awm e, Ryder tan Richard-a leh Vishal Kumar Gupta hi thawh hlawk mahse, team in an mamawh laiin, point guard Remtluanga a tangkai nep tlat, players te an talbuai timeout leh substitute an lak in awm zia a nei lo, third quarter-ah BCA chuan 54-44 in hma an hruai leh ta a ni. Fourth quarter-ah BCA hian hmahruai zelin, Michael-a leh David-a an thawh hlawk leh hle, Ryders tan Richard-a thawh hlawk viau mahse, Vishal Kumar Gupta leh Richard-a te an an tangkai tawk lo a, player te thawh hona that tawk loh leh turn over leh ball an in pe tam tawk lo kha team in an tuar ni berin a lang, hun atawp meuh chuan 72-55 in BCA an chak ta a ni.
Inkhel Pumpui thlirin, BCA defence a tight tha a, zan dang aiin an teamwork a mawi bakah an combination a tha hle. An tan avangin, foul pawh an nei ngah a, chak lo thei dinhmun a ding an nih avangin an defence an uluk zual a. An tal buai deuh hlek chuan coach in timeout call vatin, time out an hmang tangkai hle. An fight nasa a, chak kha an phu a ni.
Zarkawt BCA:- Michael F Lalawmpuia, 20 point, rebound 4, assist 4, steals 4, PC Lalmuansanga, 10 point, rebound 7, assist 1, steals 1, David Lalruatfela, 9 point 3 points vawi 2, rebound 5, assist 1, HenryLalramngaihawma, 8 point, 3 points vawi 1, rebound vawi 10, assist 4, steals 3, Jackson Lalrintluanga, 8 point, rebound vawi 4, assist vawi 1, Matthew Remtluanga, 8 point, rebound vawi 8, assist 1, steals 1, Albert Lalramchhuana, 8 point, rebound vawi 1, assist vawi 3, steals 1
Ryders lam hi an thawh hona a that tawk loh bakah player te ah phurna a awm lo. An dul ruih a, zan dang an game an pha lo. Vishal hian rebound leh block la hnemin, khel tha viau mahse team chemistry chhia an chhiatpui a tih theih awm e. An tal buai a, timeout leh substitute an lak in awmzia a nei lo a, an basket ah an vanduai tel a ni e.
Chaltlang Ryders:- Vishal Kumar Gupta, 10 point, rebound vawi 14, steals 1. Lalremtluanga, 8 point. Richard Hmingliana, 12 point, rebound vawi 3, steals 1.
March 11, Zirtawpni Fixtures:-
04:00 PM Khatla TBL vs MSV Vikings
08:00 PM Zarkawt Serpents vs Tuikual 'S'