March ni 23, Ninga zan khan Hawla Indoor Stadium Republic Vengthlangah Mizoram Super League (MSL) Season 3 khelh chhun zawm a ni a, Zarkawt BCA chuan 89-87 in Tuikual South an hneh. Hall chhung khatin Basketball ngainatu mipui an pung khawm.
March ni 24, Zirtawp zan dar 7:00 PM-ah Mission Veng Vikings leh Zarkawt Serpents ten an khel leh ang.
Tuikual South hi Season Opening Tournament-ah champion an nih bakah MBBA Cup champion lai an ni a, MSL 2 finalist ni bawk mahse, MSL 3-ah Zarkawt BCA an hneh lo.
Tuikual South hian NBA D- League player Palpreet Singh Brar leh India player Amyjoot Singh Gill an chhawr nghal. Zarkawt BCA hian MSL 3-ah state pawn player India team-ah pawh hmun pawimawh changpha Amritpal leh Yadwinder Singh te la lut mahse, Federation Cup an khel a vangin Tuikual South nen an in hmachhawn zan hian an tel lo a, David-a, Dennis-a leh Mathew te chu an chakna hnar an ni.
First quarter-ah Tuikual South hian bul tan tha zawkin, hmahruaitu zawkah an tang a, Palpreet Singh Brar chuan inkhel bul tan nghalin, points 13 zet score-in forward Vanchhuangpuia (CHpa) chuan points 7-a score ve bawk. Zarkawt BCA tan Henry Lalramngaihawma'n points 5 score ve bawk mahse, point guard Lalremsanga, forward David Lalrinfela leh Dennis Lalthlamuana te an che tha tawk lo thung a, first quarter a zawh meuh chuan Tuikual South Chuan 29-16 in hma an hruai.
Second quarter-ah Tuikual South tan Amyjoot Singh Gill a rawn in lan thung. Mahse, beisei a phak lo. Guard Lalfakzuala'n points 6 score-in MS Dawngzela leh F Zodinthara langsar mahse, Zarkawt BCA tan Mathew leh Jackson te an thawh hlawk a, point guard Zonunsanga'n a thlawp tha bawk nen second quarter a zawh meuh chuan chuan Zarkawt BCA chuan 25-17 in hma an hruai thung.
Third quarter-ah Zarkawt BCA tan Mathew leh Jackson te an langsar leh a, Henry leh R Lalfakawma ten rawn tlawp tha ve bawk mahse, Tuikual South anin siam tha hman. Amyjoot Singh Gill chuan points 15 zet score-in, Palpreet Singh Brar chuan point 5-a score ve bawk a vangin, third quarter a zawh meuh chuan Tuikual South chuan 23-22 in hma an hruai leh ta a ni.
Quarter hnuhnung berah hmahruatu zawk an awm hlei thei lo, an in leh thal zak zak a, Tuikual South tan Amyjoot Singh Gill chuan points 10 score mahse, Fakzuala leh Rohlua ten an thlawp tha tawk lo. Zarkawt BCA tan Zonunsanga 'n points 10 score-in, PC Lalmuansanga'n point 8-a score ve bawk a, Mathew leh Fakawma ten an rawn thlawp that rah sengin, hun atawp meuh chuan Zarkawt BCA chuan 89-87 in hnehna an chang ta a ni.
A pumpuia an chet that dan:-
Zarkawt BCA: Mathew Remtluanga chuan point 22 score-in, 3 point vawi 4, rebound vawi2, assist vawi 1 a nei a, Zonunsanga'n point 15, 3 point 3, rebound 3, assist 11, PC Lalmuansanga'n point 11, rebound 5, Jackson Lalrintluanga'n point 11, rebound 2.
Tuikual South: Amyjoot Singh Gill point 26, rebound 9, assist 1, Palpreet Singh Brar point18, 3point 1, rebound 6, assist 1, Lalfakzuala point 14, 3 point 2, rebound 1, assist 2.
(adsbygoogle = window.adsbygoogle || []).push({});