Central YMA leh Mizoram Football Association (MFA) tangkawpin an buatsaih TT Royte Trophy Inter Branch YMA Football Tournament chu June ni 21, Nilaini khan semifinal 2nd leg khelh a ni a, Chanmari leh Ramhlun South chuan hnehna changin final an lut ta a ni. Final hi June 23, Zirtawp chawhnu dar 3:00 PM-ah khelh leh tur a ni.
Final luh in chuh inkhel hmasa zawk Chanmari chuan 1st leg-ah 2-0 in hnehna an chang tawh a, 2nd leg-ah 1-1 a in draw -in minute 180 khelhah Chanmari chuan 3-1 in hnehna an chang a final an lut ta a ni.
Inkhel hnuhnung zawkah Ramhlun South leh Chhinga Veng te hi 1st leg-ah 1-1 in anin draw-a 2nd leg-ah Ramhlun South chuan 1-0 in hnehna an chang thung a, minute 180 khelhah Ramhlun South chuan 2-1 a hnehna changin final an lut ve bawk.
01:00 PM College Veng 1-1 Chanmari
(Ramfangzauva 90+3') (Rosangliana 40')
Inkhel tan a ni a, chanmari chuan in khel thu nun zawkin Achia, Michael-a leh Hriatpuia ten College Veng keeper Lalruatpuia rum thaih thin mahse goal erawh an thun mai thei lo. College Veng pawhin nawr let ve bawkin Joseph-a leh Danmawia ten goal thunna hun tha an hloh ve bawk. Goal lut lo in chawlh lawk an hmang dawn emaw tih hnu hun tawp nan minute 5-ala awmin Chanmari tan Lalnunzama ball pek tha zet chu Rosangliana chuan box-ah la lutin an hmahruaina goal a khung a, goal dang luh belh lo in Chanmari chuan 1-0 a hmahruaiin chawlh lawk an hmang.
Second half tan a ni a, College Veng chuan an siphurh sut tumin an nawr a, Joseph-a, leh Thara goal shoot tha zet chu Chanmari keeper MS Dawngliana chuan a dan sak. Chanmari tan Lalnunzama chuan goal thun belhna hun tha a hloh ve bawk. Hun tawp dawn injury time-ah Chanmari player Achia hnawh chhuah a ni a, College Veng tan Ramfangzauva chuan free kick atangin an siphurh sutna goal khung ve bawk mahse, final lut turin an tan beiseina a awm lo.
03:30 PM Ramhlun South 1-0 Chhinga Veng
(Vanlalthlamuana 40')
Inkhel tan a ni a, team pahnih te anin nawr tawn zak zak hnuah Chhinga Veng chuan chance nei hmasa zawkin Lalthlamuana chuan goal ban a pet per dawp a, Khawpuimawia chuan goal thunna hun tha a hloh bawk. Ramhlun South tan Sawmfela chuan goal thunna hun tha a hloh ve bawk a, Thlamuana goal shoot chu Chhinga Veng keeper Sangtluanga chuan a dan sak bawk. Goal awmlo in chawlh lawk an hmang dawn emaw tih hnu huntawp nan minute 10 ala awmin Ramhlun South tan Mawitea ball pek tha zet chu Thlamuana chuan cool takin a pet goal-a Ramhlun South chuan 1-0 a hmahruaiin chawlh lawk an hmang.
Second hlaf tan a ni a, Chhinga Veng chuan an siphurh sut tumin nawr mahse goal hlauh awm erawh an nei thei lo a, bench a tang a lut Lalnunsanga chuan an siphurh sutna hun tha a hloh a, Ramhlun South tan Lalawmpuia chuan goal thun belhna hun tha a hloh ve bawk. Goal luh belh tawh lo in Ramhlun South chuan 1-0 in hnehna an chang a, final an lut ta a ni.
