WTA Finals: Venus leh Wozniacki-te'n final an lut

29th October 2017, 07:10PM

Singapore-a WTA Finals khelh mek chuan a hmawr an bawk țan a, final khel tur pawh a hriat theih ta.

Final-ah hian semi-final-a Caroline Garcia hnehtu Venus Williams leh Caroline Wozniacki an in hmachhawn ang.

Kum 37 mi Venus hian Garcia hi 6-7, 6-2, 6-3 in a hneh a, semi-final dangah Wozniacki chuan 7-6, 6-3 in Karolina Pliskova a hneh ve bawk.

Venus leh kum 27 mi Wozniacki hi WTA Finals final khel thei upa ber an ni dawn a, Pathianni hian final hi khelh tur a ni.

Pliskova-i'n final a thlen zawhloh vang hian World No. 1 ni lai Simona Halep chuan No.1 ni chungin kumin a khar thei dawn ta a, Halep hian semi-final a lut zo lo.

Final-a Wozniacki hmachhawn tur Venus hian kum 2008 khan Vera Zvonareva hnehin WTA Finals title hi a la tawh a, Wozniacki nen hian vawisarih in hmachhawn tawhin hnehna ala chang vek bawk a ni.

Copyright © inkhel.com 2024. All rights reserved.