10 May 2018 09:33

Inkhel

Mizo Sports Website hmasa ber

​World Cup khel tur coach zingah tunge hlawh hnem ber?

Thlaleh mai a lo ni ta reng mai, football inelna ropui ber World Cup tan a ni tep tawh e. League an han zo fel anga, ram tana khel tur squad an rawn puang anga, chumi hunah chuan inkhel.com pawhin Magazine Special Issue kan rawn chhuah leh dawn nia, fixtures leh a behbawm ngaihnawm tak tak te nen.

Tun tumah hi chuan kumin World Cup khel tur ram hrang hrangte coach hlawh kan rawn tarlang phawt ange. England hi football ngaihlu ber zing ami leh thawm nei lian ber an ni thin a, an media te vang a ni pawh kan ti thei awm e. Fabio Capello an chhawr lai khan hlawh an pe hnem kher mai. Tuna England coach Gareth Southgate erawh coach hlawh tam zingah top 5-ah pawh a lang phak lo. Germany coach Joachim Low-a hlawh chanve vel a hlawh tawk a ni.

Dutch media and entertainment Company Zoomin TV-in a tarlan dan chuan Southgate hian kum khat chhungin £1.69million a hlawh a. Low hian kum khat chhungin £3.31million a hlawh hem mai, ani hi Russia World Cup khel tur coach-te zinga hlawh hnem ber a ni. Low dawtah hian Brazil boss Tite leh France coach Deschamps te an awm a, anni hian kum khat chhungin £3.02million an hlawh.

World Cup 2018 khel tur coach-te hlawh hetiang hian :

1: Joachim Low (Germany) £3.31m

2: Tite (Brazil), Didier Deschamps (France) £3.02m

4: Julian Lopetegui (Spain) £2.58m

5: Stanislav Cherchesov (Russia) £2.21m

6: Fernando Santos (Portugal) £1.91m

7: Carlos Queiroz (Iran), Gareth Southgate (England) £1.69m

9: Jorge Sampaoli (Argentina) £1.55m

10: Oscar Tabarez (Uruguay) £1.47m

11: Hector Cuper (Egypt), Jose Peckerman (Colombia) £1.30m

13: Juan Pizzi (Saudi Arabia) £1.23m

14: Bert van Marwijk (Australia) £1.03m

15: Ricardo Gareca (Peru) £960,000

16: Juan Osorio (Mexico) £880,000

17: Age Hareide (Denmark), Akira Nishino (Japan), Roberto Martinez (Belgium) £810,000

20: Vladimir Petkovic (Switzerland) £740,000

21: Herve Renard (Morocco) £681,000

22: Helmir Hallgrimsson (Iceland) £611,000

23: Zlatko Dalic (Croatia) £478,500

24: Gernot Rohr (Nigeria) £436,600

25: Janne Andersson (Sweden), Shin Tae-yong (South Korea) £392,500

27: Hernan Gomez (Panama) £349,000

28: Nabil Maaloul (Tunisia), Oscar Ramirez (Costa Rica) £305,500

30: Mladen Krstajic (Serbia) £261,400

31: Adam Nawalka (Poland) £235,600

32: Allou Cisse (Senegal) £174,500