Wimbledon final-ah Nadal hnehtu Djokovic

15th July 2018, 02:07AM

Wimbledon mipa singles semi final-ah set nga an inkhelh hnuin Novak Djokovic chuan Rafael Nadal a hneh a, final a lut.

Novak Djokovic leh Rafael Nadal te hi darkar 5 leh minute 15 zet an inkhel a, a tawpah Djokovic hi 6-4, 3-6, 7-6, 3-6, 10-8 in a chak a. Naktukah final an khel ang a, hetah hian Serbian Novak Djokovic hian South African Kevin Anderson a hmachhawn ang.

Kevin Anderson hian semi final lehlamah John Isner a hneh a, anni hi darkar 6 leh minute 36 zet an inkhel a, Wimbledon chanchinah chuan semi final match khelh rei ber a la ni.

2011, 2014 leh 2015 Wimbledon champion Djokovic chuan, “Nadal ka hneh thei chu lawmawm ka tih dan hi sawi fiah thiam a harsa a, ka thumal hriat hian a daih lo a ni ber mai. Thla 15 kalta atanga thil awm dan leh ka hun hman dan te ka ngaihtuah let zut zut a, ka inkhelh tawh zawng zawnga ka la khelh rei ber tumin khawvela tennis player tha leh ropui ber ka hneh ve tlat mai chu ania, mak tak a ni,” a ti.

“Inkhel danglam tak leh pawimawh tak mai a ni a, tu zawk pawh kha chak thei dinhmunah kan ding ve ve a, a tawp dawn thleng khan ka chak zawk kha ka ring ngam lo reng reng a. Hetiang inkhel tak hi a ni khawvel tinuamtu chu,” tiin a sawi bawk.

Copyright © inkhel.com 2024. All rights reserved.