Arsenal-ah kum 20 chhung zet a cham tawh a, tun season tawp thleng bak Gunners-ah hian contract a nei tawh lo. Burnley an hmachhawn hmaa press conference neihah Wenger chuan England enkawl a hnial loh thu a sawi.

"Ka ngaih pawimawh ber chu ka hna chelh laia chet that hi a ni. Nimahsela hna nei loa ka awm a nih chuan England enkawl hi pawi tuhna ka nei lo. Tunah hrih chuan ka hna neih lai hi a pawimawh hle," tiin Arsenal a chhuahsan a nih chuan England team enkawl a hreh lo tih a sawi.

England hian Sven-Goran Erikson hnu khan ram dang mi coach atan an la ruai leh miah lo a, nimasela FA chuan Arsene hi an iai lo hle nia tarlan a ni.

Wenger pawhin Kum 20 chhung a chen chilh tawh England a ngaina a, July thla pawh khan England enkawl enkawl a hreh loh thu a sawi tawh bawk.

"England hi ka ram pahnihna a ni a, Euro atanga an tlak pawh khan ka tuar khawp mai. Engtik niah emaw chuan England hi enkawl a ngai a nih chuan ka hnial lo ang,"tiin England chu a ngaina hke tih a sawi.