Buddy Hield chuan a tawp second 27.5 chhungin free throw vawi 3 a thun a, Willie Cauley-Stein pawhin hun tawp hma deuhin a dunk a, tun season chhunga a vawi hnihna atan Golden State hmunah Sacramento Kings chu an chak leh a, Warriors chu 98-93 in an hneh a ni.

An inkhelah hian Sacramento tan Buddy Hield a che tha deuh ber a, point 22 a score bakah assist 7 a nei bawk a. Skal Labissiere chuan point 15 score in rebound 5 a la bawk a. Golden State Warriors lamah hian an scorer chhuanvawr pathum - Stephen Curry, Kevin Durant leh Klay Thompson te chu inhliam vangin an tel thei lo a, hei hi an tuar ta a ni.

Golden State hi an hmunah a zawnin vawi 8 an lo chak tawh a, hei hi Kings hian an titawp ta a. Quinn Cook chuan point 25 a score a, a la score that ber a nih bakah 3-pointer vawi 5 ngawt a thun bawk a, hei pawh a la thun hnem ber a ni a, a team te erawh a chakpui zo ta chuang lo.

Inhliam dam leh Draymond Green chuan point 14 a score a, rebound 10 lain assist 7, steal 4 leh block 2 a nei bawk a, Nick Young pawhin point 16 a score a ni.