March ni 24, 2017 (Ningani) zan khan Mizoram Super League season 3 match-ah Mission Veng Vikings chuan 67-66 in Zarkawt Serpents an hneh a, kha match kha board-in a ennawn hnuah Rematch tura tih a ni ta a ni.

Mission Veng Vikings leh Zarkawt Serpents inkhelh chungchangah Zarkawt Serpents in FIBA dan anga '4th quarter tawpa Referee in Foul a ham khan Time up buzzer a ri tawh a ni' tia an Protest chu, MBBA Technical Committee leh MSL Board Joint Meeting chuan ni 27.03.17 hian ngun takin a ngaihtuah a. Hemi chungchangah hian BFI Technical Chairman leh FIBA Representative,Sir Norman Issac pawh rawn niin hetiang hian thuthlukna a siam a ni.

'Joint meeting chuan,Mission Veng Vikings leh Zarkawt Serpents ten MSL-3 Game 3 an khelha 4th quarter tawpa Referee-in Foul a ham chu video replay te ngun taka a zir chian hnuah Time up Buzzer rik hnuah a ni tih Joint Meeting chuan a pawm a,hetiang a nih avang hian Mission Veng Vikings leh Zarkawt Serpents te hi ni 15.4.17 (Saturday) dar 8:00pm hian Game 3 a an squad ngai angin rematch turin a rel ta a ni.