Kum 2014 May ni 22 khan Youtube channel PBS Digital Studios chuan 'Can Video Games Be A Spiritual Experience?' tih thupuia hmangin video minute 11:43-a rei a tarlang a.

Comment-na lamah '00WARTHERAPY00' inti chuan a chanchin a rawn tarlang. He a chanchin hi mi tam tak lo tawn tawh a nih avangin ngaihhlut pawh a hlawh hle a, video hial siam a ni ta nghe nghe bawk a ni.

"Kum 4 mi lek ka nih laiin ka pa hian XBox hmasa ber, kha in hria anga, rit deuh nelh nulh kha ... kum 2001 chhuak kha min lei sak a. Kan pafa hian game chi hrang hrang kan khel dun nasa thin hle, kan hlim thei kher mai. Kum 6 mi lek ka nih laiin ka pa chuan min boral san ta a.

"Kha XBox console kha kum 10 chuang ka khawih ta lo. Mahse ka'n khel leh chu thil hmuh ka nei ta a. Racing game kan khel dun nasa a, Rally Sports Challenge kha kan khel nasa, a hunlai kha chuan a nuam thlawt a ni.

"Bul ka tan leh ka tlan lai hian ka kiangah thlarau ka hmu ta tlat mai. In hriat theuh angin Time Race game-ah hian lap record nei tha ber kha ghost driver angin an rawn lantir thin a nih kha. Chu thlarau chu vawiin thleng pawhin ka kiangah a la rawn tlankual a, kan intlansiak ta ngat ngat a, kha thlarau record kha ka hneh takngial dawn ta.

"Ni khat chu; chu thlarau car hmaah chuan ka tlan, finish line ka thleng tep. Ka thlen khalh chuan kha thlarau record kha ka nawhreh dawn. Ka pa record chu nawhreh ka phal lo, finish line thlen hma chuan ka ding ta zawk a," tiin 00WARTHERAPY00 chuan a ziak.

He a comment hi tawite mah nise mi khawih tak a nih avangin John Wikstrom chuan 'Player Two' tih thupuia hmangin video hmuhnawm tak kum 2016 khan a buatsaih a. Inkhel member-te chuan kan en teuh tawh turah ngai ila. A hnuai ami hi video chu a ni a.