La Tercera-in a tarlan dan chuan Juventus midfielder Arturo Vidal chuan Real Madrid a zawm dawn ta a, Juventus pawhin Real Madrid dawrna hi a pawm tawh a ni.

Kar liamta mai khan Vidal chuan Arsenal a pan dawn niin report a awm. Mahse kha erawh a tak a lo ni lova, La Tercera tarlan hi a tak tak a nih chuan Copa America zawhah Chile International hian Bernabeu a pan rin a ni.

La Tercera-in a tarlan zel dan chuan Vidal hian kum 5 chhung atan Real Madrid-ah contract a ziak anga, thil pawimawh tifel turin Madrid directors te pawh Santiago de Chile an pan nghal dawn a ni. An inleina man zat tur hi sawi chian la awm lo mahse £25 million vel a nih rin a ni.