​Venghlui FC in Chawnpui FC an hneh.

07th November 2016, 10:11PM

November ni 7, 2016 Thawhtanni ADFA 1st Division League khelh chhunzawm a ni a, Venghlui FC chuan sikhat faiin Chawnpui FC an hneh a, point 16 neiin table-ah palina an hauh chhunzawm rih a ni. Venghlui FC hian Round 9 na khel tawhin Chawnpui FC hian Round 10 na ankhel tawh thung.

1:30 PM Venghlui FC 1-0 Chawnpui FC 

(C Lalthanmawia OG 41')

Inkhelh tan a ni a, team pahnih te an innawr tawn zak zak hnuah Venghlui FC chuan chance nei hmasa zawkin forward Pca leh defender KC Valpuia chuan goal thunna hun tha vawihnih an hloh a, Chawnpui FC tan midfielder Zara leh Zodina te pawhin goal thunna hun tha a hloh ve bawk. Huntawp nan minute 4 ala awmin mual veilam sir atanga Venghlui FC forward Ellis-a ball vawrh luh Chawnpui FC keeper Tluangtea ball benper chu defender C Lalthanmawia chuan an lamah a ti goal hlauh a, Venghlui FC chuan 1-0 a hmahruaiin chawlhlawk an hmang ta a ni.

Second half tan a ni a, Venghlui FC chuan inkhel thunun zawkin Ellis-a leh Hriata ten Chawnpui FC keeper Tluangtea tan hna siam thin mahse, goal erawh an thun belh mai thei bik lo.

Chawpui FC tan midfielder Malsawma goal shoot tha zet chu Venghlui FC keeper Vana'n a dang hman hlauh. Chawnpui FC chuan counter attack-in an nawr chhunzawm a,  Captain David-a'n Keeper Vana chiah a hmachhawn hnuah a pet goal lo. Venghlui FC an him hram;  Goal luh belh tawh lo in, Venghlui FC chuan sikhat faiin hnehna an chang ta a ni.

November ni 8, Thawhlehni Fixtures:-

11:30 AM Kulikawn FC vs Aizawl FC Academy

01:30 PM Chaltlang FC vs Ramhlun FC

Copyright © inkhel.com 2024. All rights reserved.