​United player duh man chu £36m a nih thu PSG-in an tarlang

17th February 2018, 06:02PM

French club Paris Saint-Germain chuan Manchester United-in an ngaihven mek Thomas Meunier-a man chu £36million lai an chhiar thu Italian chanchinbu Calciomercato chuan a tarlang.

Kum 26 mi Belgian right back hi Manchester United chuan Antonio Valencia thlak nan an ngaihven mek nia report a ni a. Tun season-ah Thomas Meunier hi PSG tan a inlan tam lo. Bench lamah hun a hmang tam zawk a, tun season Ligue 1-ah vawi 10 chiah a la start.

Juventus pawhin Belgian international hi an ngaihven ve mek bawk a, Juve hian Dani Alves-a hmunruak hnawhkhat turin Meunier hi an duh ve bawk nia report a ni.

Meunier hi a la naupang a, Antonio Valencia erawh kum 32 mi a ni ve tawh, khawng taka a inkhelh theih hunchhung a rei vak tawh dawn lo niin a lang, chumi avang chuan United hian hun rei tak an la chhawr theih tur right back hi an ngaihven lawk a ni.

United hian an tlar hnung lamah harsatna an tawk mek a, hetih lai hian Bailly a lo kir chho leh tawh dawn a, Jose-a team tlarhnung pawp thin bawk a ziaawm chhoh beisei a ni.

Copyright © inkhel.com 2024. All rights reserved.