Pathianni zan khan Liverpool, England-ah UFC Fight a chhuak a, mipui nghahhlelh ber main event fight erawh zing dar 1:00 am-ah a chhuak a, main event-ah hian Darren Till-a chuan Wonderboy-a chu unanimous decision-in a hneh. Fight langsar dangah Neil Magny-a chuan Craig White a hneh bawk.
Mipuiin Darren Till an au nasa
Main event nghahhlelhawm takah Darren Till-a chuan a pianna khua Liverpool mipui hmaah hnehna chang ngei turin a tiam a, fighter pahnih inbei tur hian ngaihven a hlawh hle. UFC event an neihna hmun hi Darren Till-a pianna a nih avangin octagon a rawn lut tur pawh an au nasa hle, chutih rualin Wonderboy-a erawh an 'boo' nasa hle thung.
Darren Till-a'n a khaw mipuite hmaah hnehna chang
Fight an tan a, fighter pahnihte hi an fimkhur dun hle a, chiang taka inkhawih fuh pawh a awm meuhlo a, round 1 pawh a tawp zui deuh nghal. Round 2-an tan leh, mipui lamin Darren Till-a chu an au nasa a, nimahsela chiang taka inkhawih fuh a awm meuhlo thung a, round 2-pawh a zo ve leh mai bawk.
Round 3-ah pawh chiang taka inkhawih fuh a tam lo hle a, round zawh dawnah an inkhawih fuh tawn a, fight erawh a tawp zui ve nghal. Round 4-ah pawh an fimkhur dun hle a, mipui lam pawhin thawm an nei thei meuhlo a ni ber. Round 5-ah erawh fighter pahnihte hi round dang aiin an inkhawih tam hret a tih theih ang. Round 5-ah hian Darren Till-a chuan a kut veilam hmagin Wonderboy-a hi a hnek thlu a, rang takin a tho leh nghal. Hemi hnu deuh hian Wonderboy-a chuan a paih thlu ve thung a, Darren Till-a pawh a tho leh rang hle. Hemi hnu rei vak lovah fight a zo zui nghal bawka, Darren Till-a chuan unanimous decision-in hnehna a chang zui bawk.
Main Card : Catchweight (174.5 lbs)
Darren Till def. Stephen Tjompson
Round 5, 5:00 (unanimous decision)
Welterweight
Neil Magny def. Craig White
TKO (knee and punches)Round 1, 4:32
Featherweight
Arnold Allen def. Mads Burnell
Submission (front choke)Round 3, 2:41
Featherweight
Makwan Amirkhani def. Jason Knight
Decision (split) (27-30, 29-28, 29-28)Round 3, 5:00
Welterweight
Cláudio Silva def. Nordine Taleb
Submission (rear-naked choke) Round 1, 4:31
Middleweight
Darren Stewart def. Eric Spicely
TKO (punches)